今年20歲我最近哩幾個月睇av基本上唔會勃起但係睇完會有前腺前液睇得耐甚至會射精
但係同女朋友錫時會有勃起反應 未試過性行為
已戒打丁一段時間（三個月到）睇av都係無反應 驚自己性能力有問題！會有陽痿不舉或者男性荷爾蒙低嘅情況
仲有有時會出現係無勃起狀態嘅夢遺 我係咪有病
有的話應該去邊到治療?
上網見到話無發春夢嘅夢遺係有問題 搞到我而家好驚 我應該睇中醫or西醫 希望可以覆到我 我都唔想拖太耐驚病情會越來越嚴重重
睇番你嘅情況，你同女朋友親密接觸時，有勃起反應，咁生理上就唔太需要擔心自己嘅性能力啦～
另外你提及到無發綺夢但有出現夢遺嘅情況，其實亦無需擔心 因為本身出現夢遺情況，其實同綺夢並無必然嘅直接關係。男性訓覺嘅時候意志力會比較薄弱，有時內褲比較緊，被子較重，或其他原因刺激到陰莖，亦可能引致射精。
至於你提及到睇完AV之後，無勃起但係睇完會有前列腺液同埋射精嘅情況，其實醫學上係能夠解釋到。
有時因為性刺激未足夠，讓大腦未能發出指示令海綿體充血，以致出現沒有勃起。但依然點解會可以出現有前列腺液及射精嘅情況呢？
因為有時透過接受色情資訊或者身體出現性興奮嘅時候，會導致骨盆肌肉會收縮，而呢個係促成射精嘅重要過程。因此，有時即使海綿體尚未充血，但骨盤肌肉已收縮，亦能出現射精嘅情況。
或者都可以先問問啊King你呢個情況會唔會好常發生？如果唔係太頻密出現，其實都唔需要太擔心
再唔係都想你可唔可以再分享仔細D嘅情況，等我地可以同你一齊分析？
整件事就係我原本係一個a0處男 機緣巧合下識左我現任同左同一齊後就為左佢戒打飛機（之前日日打咁濟 ，個時甚至無晨勃嘅情況）但仲有keep住睇av 但有一日睇av時發現無勃起 就決定唔睇av 兩月後有時會有晨勃但唔係次次都係最硬 再耐啲出現夢遺 但我有時會check下睇av有無翻反應（都係無） 但之後有一次去睇性感女性圖時有反應就打左一次飛機 因為上網過太耐對精液唔好不過好快就射左 個時仲以為自己好翻但之後又變翻原本咁 直至前日出現無勃起嘅夢遺 我覺得奇怪就上網查 就話無夢而遺係滑精 係腎虛陽萎症狀 我之後就好驚 因為我之前睇av已經無反應 哩一兩日都好驚 頭先蜻蜓點水錫女朋友都無反應之前都會有 我唔知點算好 好驚自己有問題 有問題又唔知應該睇中醫定西醫定性治療師或者食男性保健產品（瑪卡之類）
哩一兩日都唔知點算好 心情一直好down好驚 好無助
醒嘅時候好小會無故勃起
今日我女朋友問我錫嘅時候點解無咗反應 我個刻好唔開心 我唔想咁樣
你好呀~唔駛咁緊張既，首先最想講既點就係夢遺（或者無夢而遺），都根本係正常既生理現象黎架~遺精並唔係要有春夢先正常，佢可以係你受到夢中既性幻想刺激，亦可以係好似sze所講，外界刺激到你既下體而造成（當然仲有可能你發左夢但自己唔知呢
）。 男性精子儲存到一定量係要遺精既，而頻率就同你既年齡、生活習慣、平時有無性生活都有關係。所以唔需要再認為自己唔發夢遺精就係腎虛啦！仲有，其實都有科學研究表明，男性如果自慰頻率少左，夢遺頻率就會多左，你既case都係咁既情況呀，所以好正常，唔需要擔心。
其次想講，其實人對性刺激既反應係會變化架~你可以以前好鍾意食雪糕，但都唔代表你永遠見到雪糕都會心思思好想食。唔可以因為睇av無法勃起就判斷係性功能有問題，因為av只係諸多刺激中既一種。你話「有一日睇av時發現無勃起 就決定唔睇av…但有時會check下睇av有無反應 都係無」 想問問，呢期間你有無同女友進行性行為或者性接觸，是否可以正常勃起？此外一般同女友既性接觸頻率係點？因為要睇你既問題係咪physical，都要結合你對其他性刺激、尤其係真正性行為過程中既反應。
另外想問以前你同女友既性接觸去到邊一個程度會開始勃起？因為你話「蜻蜓點水錫女朋友都無反應」，但其實好多人係錫呢個程度係唔會有身體興奮既反應㗎，要繼續落去先知呀~如果av對你無效，不妨試下用啲其他既刺激，請女友幫手又好，性玩具又好，轉下唔同方式呀~
最後其實男性無法勃起，好多時都係心理因素！並唔係身體機能有問題，只係心理上有障礙，可能係緊張，可能係無自信，又或者好擔憂，驚性伴侶知道自己既問題。呢啲心理問題都會影響能否勃起~不妨同女友搵個浪漫既地點，唔好將自己既憂慮擺係心頭，身心放鬆，去諗吓對方係你愛既女仔，睇下如何發展呀~
我同我女朋友係諗住唔會進行婚前性行為 而家都只係錫同攬 之前錫都會有生理反應而家無令我覺得問題好似惡化左 我哩幾日都無哂心情 成日都好在意下體有無反應 如果真係心理應該點樣克服
因為之前見到過男人晨勃係檢驗男性生殖功能嘅方法而我唔係經常有晨勃而且亦都唔係好硬所以先有哩種諗法 因為種種因素令我覺得自己有問題
我同女朋友經常都會錫同攬 而之前錫佢係會有生理反應但係而家無左反應
心理影響會唔會令到自己晨勃受到影響，我成日都覺得自己生理有問題 因為有自慰習慣時基本上都無晨勃出現 我而家當無野做就會諗自己到底邊到有問題 變唔翻正常點算完全放鬆唔到
我最近幾乎係無晨勃
「見到過男人晨勃係檢驗男性生殖功能嘅方法」是從何處看到?
上網睇到的
“由於男性身體每天的狀態不同，晨勃也不盡一致，單憑有沒有晨勃，不能判斷男子性功能的好壞。”
各種令陰莖勃起的因素
但係佢話唔好都要去睇醫生 仲有我諗我而家硬度可能只有第二至第三級 已經唔會係第四級
你好呀，其實綜合你所講既，感覺你對男性既好多自然現象或者生理功能有偏見，其實果啲偏見未必係真呀！例如你提到既「男人晨勃係檢驗男性生殖功能嘅方法」、「成日覺得自己生理有問題 因為有自慰習慣時基本上都無晨勃出現」，呢啲內容其實都係半真半假、有啲誇大、或者會有啲偏頗，簡單黎講，單憑唔係經常有晨勃，係絕對唔可以話你有生理功能問題！
其實晨勃，只係男性係夜晚睡夢中勃起既延續。男性係睡眠中既一個叫做REM既階段會出現勃起既現象（REM係解「快速眼球轉動」，不過呢點並唔重要⋯），而出現晨勃其實係因為佢都發生左「係REM睡眠中勃起」呢個行為，只不過時間上係接近醒來，所以叫做晨勃姐。因為係咁，所以你發現自己無晨勃，個可能性好大只係因為你臨訓醒呢段時間無勃起，唔代表你成晚都無勃起呀！
當然，確實都會有醫生將夜間勃起既情況作為診斷男性性功能既標準，不過呢種測試係單憑自己感受好難做到既，可能你都有勃起，但你訓得好好，所以唔知姐~而所謂用晨勃去檢驗生理功能，其實都只可以話出現晨勃，代表可以勃起，係正常既；唔出現晨勃，卻並唔一定代表生理有問題。
跟住就係你既心理問題喇，明白你好緊張自己生理功能呢件事，不過其實你越係緊張、就越係冇辦法投入到性生活中去。對於果部分真係生理有問題既男性，基本上都係要去到進行陰道交、插入或者愛撫，呢啲有人去頻繁刺激陰莖既行為下，都冇辦法勃起，咁既程度先會開始考慮係咪生理方面有問題。而你話係以前同女友錫有生理反應、宜家冇，並唔可以說明你有生理問題呀，因為你仲有好多種生理刺激方式都未試！
不過，都理解你話唔想與女朋友進行婚前性行為，所以可能現時冇辦法用其他刺激去測試你既情況。如果係咁，你不妨試下暫時將自己性功能如何既諗法放低，就咁專注於生活中既其他野。當你感受到自己有性慾既情況時，就唔好諗其他野（例如自己功能如何如何），而係去專注去諗一啲可以令自己興奮既幻想，試下用手取悅自己，單純感受下性既愉悅。同樣，面對女友時，你都要試著將對於自己既懷疑放低，專注於眼前女友既需要、同埋你自己對性既期待，二人用身體去取悅對方。或者，都可以試著由女友去主導你地之間既親密接觸，可能你會更加沈浸。總而言之，最重要既一點就係進入當下既情境，唔好諗其他野、唔好帶有目的性。不妨試下咁既做法，慢慢黎呀~
咁我而家最新情況係早一段時間次次起身都有晨勃但係當我連續自尉兩日後就再斷左 同埋我錫嘅情況係有時錫會好硬 有時就唔係好硬（至少都會勃起） 仲有摸胸同摸patpat（只係摸無見到實物）都唔會令到我更加性興奮 請問咁樣嘅情洗都係無咩問題? 仲有我停左睇色情嘢幾個月都依家 啱啱睇翻都係唔會有勃起情況 咁都係正常?