咁樣會唔會有嘢丫

我7/9黎m 之後13/9都重有小小血 然後14/9同男朋友搞嘢(外射)咁會唔會有bb​:worried:

你本身經期週期會特別短嗎?因為精子係體內可以存活最長大概2-3日,有時如果週期比較短的話有機會經期完結嘅時候身體已經準備排卵,咁就會大啲風險,但如果你一向週期都係20幾日或以上都唔使太擔心嘅。不過始終男性性興奮時嘅尿道球腺分泌當中已經會有精子,所以即使外射都仲係有風險架,下次考慮都係用返安全措施啦~

hello 多謝你答我呀 我通常黎m係黎6日左右啦 跟著週期既話就28日

月經週期係由月經來第一日開始起計到下一次月經為止嘅,如果你係28日的話,一般排卵日都係週期一半所以大概係第14日左右(只係大概數字,實際排卵日子好難預計/推斷架~),你發生性行為果日係週期嘅8日,即使當日有精子進入而且咁好彩生存到1-2日,當時應該都未排卵嘅,所以都唔需要太擔心。不過,始終排卵同週期日子都只係約數,唔可以用來準確避孕/計算係咪一定會懷孕。如果擔心的話係性行為後11日去驗孕結果已經會相當準確,可以考慮買驗孕棒測試一下啊。

我睇過 我14號個時重係安全期 但係16號係受孕期 21號係排卵期

其實都係往往要等下個月月經出現先可以準確啲計算到個個月嘅週期日子,再去推斷排卵日,但其實都好難可以好準確咁計算到架。現階段如果擔心懷孕最理想方法就係驗孕,之後如果在發生性行為都要同伴侶溝通下避孕方法,始終外射同計算安全期都係唔穩陣嘅做法呀。