本身經期係呢幾年都準時，上月21號（排卵期前4日）有過邊緣性行為無內射，原本應該12或13號黎m, keep 住第10日同今日驗過都驗唔到。有黎m 嘅徵兆，感覺胸脹但摸落唔痛，下腹漲，（菊）m 感覺，係咪應該抽血會準確d?係咪好大機會已經有左？
唔係好明白你所指嘅邊緣性性行為係指點樣嘅性接觸，不過只要性器官有直接接觸過都會有風險，即使無內射，男性係性興奮時分泌嘅尿道球腺液當中都已經含有精子。一般係性行為後11日驗孕嘅結果已經相當準確，而你都已經驗過兩次結果都係陰性，所以都可以排除懷孕嘅可能性嘅。
暫時比起你預期嘅日子都唔係過咗好耐，加上一向月經都好易被其他因素影響到，例如壓力或者情緒等等，所以都唔需要太擔心。至於一啲嚟m嘅徵兆，其實都唔可以準確嘅標準去推斷係咪要嚟m，始終唔係人人都會有，今個月又下個月亦未必一定有，所以唔需要太執著係徵兆上呀，反而過份擔心都會影響到月經，可以試下放鬆啲先，或者諗下會啱啱呢個月有冇病過食過藥，或者生活習慣有改變等，呢啲都會機會令月經日子有變動嘅。