唔知應唔應該鬆一口氣

平時用開手機app計住幾時黎m 有時遲啲有時早啲 今次遲左8日 佢預我13號會黎 不過到今日都冇 今朝用左clearblue驗左冇事 上個月黎m係15號 我25 26號做左都冇安全措施 所以好擔心會有左 不過我呢排咁啱病病地 又食左成藥 同埋又同朋友有啲嘈交唔開心 唔知會唔會影響到遲 不過我真係好少會遲咁多日 不嬲跟番個app都係早/遲一兩日 有冇可能枝棒棒驗得唔準 好擔心 多謝睇哂:sob:

週期試過最短27日 最長35日
有一次都係驚有左驚左好耐點知臨驗就發現黎左

Hello 唔好意思遲咗回覆,其實係性行為後11日驗孕嘅結果已經會相當準確,所以只要你係有照你買嘅牌子說明去驗的話你驗孕嘅時候已經係好準確嘅結果嫁啦,可以唔使咁擔心先。加上你講起最近自己都有病過食過藥,情緒又有啲起復,呢啲都係會影響月經因素嚟架,你之前都試過35日嘅週期,有時會長啲都係好正常嘅。如果你都係好擔心,可以再驗多一次忍孕,假如今次結果都係陰性,就要說服自己相信結果,相信自己係無懷孕,然後試下放鬆心情,做下其他事去轉移自己注意力,令身體都放鬆啲!

不過,無做避孕措施就發生性行為唔係次次都會咁好彩架,可以借今次機會同伴侶溝通一下之後嘅安全措施要點樣配合,下次就唔使再心慌慌啦!

最後係23號黎左 遲左十日個陣睇左醫生 佢叫我唔洗擔心話十日好少 跟住等多幾日就黎左了

係呀其實有時遲咗都唔洗太擔心架,外在內在因素影響而延遲10幾日都係好常見架。下次如果做足避孕措施咁就唔使之後心掛掛啦~