求救!!會唔會出事...

一向都係黎m唔準有時一個月黎一次有時幾個月先黎一次最長試過差唔多半年都未黎 見咁耐都未黎就去睇醫生政府同私家都有睇 政府上年排期今年6月先有期睇醫生 之後等唔切去左睇私家個陣check左好多野又抽血又照超聲波話我冇事 之後開d荷爾蒙藥比我食 食左一個禮拜之後係有黎返m 再之後6月個陣睇政府佢話我荷爾蒙失調先會搞到遲黎 之後開左藥比我食 個隻藥每日都要食每次食一粒 6月開始食7月同8月都有黎m 之後近期覆診醫生話隻藥有避孕成份叫我轉藥 食荷爾蒙藥醫生話遲過三個月冇黎就食 對上一次黎m係8月頭既事黎左7日 之後都有同男朋友搞野 次次都有戴套冇戴都會外射 最黎一次搞係9月3個次係外射 之後我見咁耐冇黎m 上個禮拜食返藥24號停藥 但到今日仲未黎m 我會唔會出事…

你好呀,依我理解,即係你今年6月最後一次轉藥,都已經令m期正常返。之後對上一次黎m係8月頭,中間有性行為,最後一次性行為係9月3日,但係9月頭未有黎m。你話「上個星期」又食返荷爾蒙藥,咁我大概估計係9月中,大約15~22號中間某一日開始食啦。跟住就到你出post呢日9月27日都未黎m。

如果只係單睇8月既性行為,因為你有過應該唔止一次無套外射咁既情況,所以都有一定懷孕既風險。因為即使冇射精,性交過程中,陰莖都會分泌一啲含有精子既腺液(俗稱pre-cum),係有機會令到精卵結合。當然並唔係話一定會懷孕,只係有風險,所以唔駛過度驚慌~!你以前有過黎m唔規律既情況,所以今次未按時黎m既原因,並唔可以就咁判斷話係懷孕。而且你中間有用過荷爾蒙藥,令到個case更加複雜。未準時黎m可能既原因係好多,可能本身係你既心情影響、或者呢排作息唔規律、可能係身體荷爾蒙既情況發生改變。

另外見你提及兩隻藥,一隻係「每日都要食每次一粒」,另一隻係「遲過三個月冇黎就食」,唔知你9月中自己食荷爾蒙藥果一次,係邊一隻、有無諮詢下醫生?假設係後者,咁醫生既醫囑係遲過三個月冇黎先食,但你係個半月(8月頭至9月中)未黎已經食左,所以未令到你有黎m我諗都屬正常。無論係邊一隻,食呢啲處方藥之前都係最好諮詢埋醫生呀,如果唔係,好難達到理想既效果。

最後,如果你呢個星期無發生性行為,其實可以去萬寧或者藥房買驗孕棒做下簡單既驗孕,其實並唔係話懷孕風險有幾高,只係為左你內心穩陣啲~驗孕棒係要性行為7日後驗先準確,11日後就會非常準確,所以如果你呢幾日又發生過無套性行為,要再等等先驗呀。