個套甩咗一半會唔會有咗

我同男朋友喺危險期進行咗性行為,但全程有做避孕措施,但佢拎出嚟先發現個套向前甩咗一半,且射咗袋內有精液,但檢查咗並無穿,而且個套仍然緊緊咁套住下體。我哋兩個都係第一次,好驚,同埋我呢幾個開始食制酸嘅胃藥,有冇影響?距上次嚟m已經31日,都仲未嚟,平時大概29-30日會嚟。

另外,會唔會上一次早咗嚟,下一次就會遲返?例如上次26日嚟,下次就會去到32日先嚟咁樣balance返?

你好呀,首先想知你所謂既「甩左一半」具體係咩情況呢?我理解係避孕套既前部仲有包住龜頭同埋前半部分陰莖,但包裹後半部分陰莖既部分就甩左,唔知啱唔啱呢?同埋係除果陣時甩,定係性行為過程中已經甩?如果係射精前已經甩,都唔排除精液可能有溢出、掂到其他部分既情況。不過因為你既case始終唔係成個套都甩左,所以懷孕風險並未算好高,唔使驚慌住。另外都想問下你發生性行為係幾時既事?

關於黎m,其實胃酸藥理論上就對m期既影響唔大。你既情況可能係因為心情好擔憂、或者近排作息唔規律而有啲影響。一般食感冒藥或者中藥都可能對m期有一定影響既。如果你平日都係29-30日既周期,其實遲左幾日都係正常範圍內,如果去到40日突然咁耐(只係一個例子~)就可能有啲唔正常,但都未必代表係因為懷孕。

至於黎m會唔會一次長一次短balance返,係唔會架。每一次都係睇你當時身體既情況,所以保持心情放鬆、少啲捱夜、均衡飲食,呢啲都對令自己規律黎m有好處既:)