好擔心🙏🏻會唔會有左 希望大家幫下我

我八月二十號同男朋友Sex 當時佢有戴套 但之後先發現嗰日係危險期 第二日就食左事後丸
一個星期後我尼左六日M(應該真係M)我亦係九月用驗孕棒check左三四次 都係用晨尿 操作應該係啱 結果都係陰性 九月十六日左右我再尼M 為期四日
上網見到有人用棒都係唔準 或者係尼完M都仲有可能懷孕 :sob:我真係好擔心自己會係嗰啲人 因為好似身體有懷孕的徵兆 例如下腹子宮有時有啲痛(但唔知關唔關事後丸事)或者胸有啲痛 但棒又真係得一條線 我真係好驚咁都會中 究竟仲有咩可能係會懷孕因為真係好擔憂 一個月以來都好困擾 希望大家可以為我解釋一下 因為我真係好驚好驚

有冇人可以答啊:sob:

你好!見到你真係好擔心!但同時亦見到你做左好多嘢,而且都係正確嘅,例如服用事後丸同驗孕。我特別留意到你已經驗左三四次孕,結果都係陰性,準確度可以話係非常高。最重要嘅係你已經嚟左兩次M。你可以唔洗咁擔心自己有左。

至於你話自己好似有啲懷孕徵兆,但個啲下腹痛等等唔可以用嚟斷定你係咪有左,而且人人有左嘅反應都唔同!驗孕棒先係比較可靠嘅指標!你可以安心啲,唔係有左。

你話好困擾,例如點影響你呀?瞓唔瞓到?會唔會集中唔到精神做嘢?

有冇同男朋友傾下呀?

你好 多謝你答我啊 我之所以咁擔心 好大原因係因為同男朋友分左手 真係好驚懷孕 佢拎佢嘅陰莖出尼時 個袋套落到一半 即係滑落左少少 而側邊有白色液體 我怕係精液因為太擔心嘅關係我上星期就去左睇婦科 照左腹超 係我Sex後七星期 然後都照唔到任何嘢 係咪應該冇事?但我呢排唔知係自己肥左定點 個肚又有好似大左啲 我自己真係好擔心

你好呀,其實你真係可以放心,因為你首先第二日已經食左事後丸(成功率非常之高),其次驗孕三四次都未有懷孕,最後甚至已經黎左兩次m!因此懷孕既機會真係0!見你仲照左腹超,其實係呢個階段無必要呀。如果真係擔心,都最好係睇左醫生先(家計會、私家都可以),一般醫生確認懷孕先會叫你照超聲波既。但都要講多次,相信即使睇醫生,佢地聽到你已經黎左兩次m,相信都會判斷你無懷孕既。

見到你係呢件事上花左好多心思,又與男朋友分左手,咁多情緒要自己一個人承擔,感覺都幾辛苦。所以希望你可以放低件事呀。如果因為一個可能性微乎其微既事情影響到自己生活,就真係得不償失喇。另外之前講到一啲胸痛、仲有呢排你認為自己肥左,其實有好大機會係你心入面已經認為自己有左,先會放大呢啲現象,令自己更加驚。而呢啲都未必同懷孕有關呀。

希望你可以早日走出呢件事,以後可以遇到更好的男孩子,同埋記得安全性行為呀:)