關於安全期..🙏🏻懷孕問題

9月30尼m 10月4完,
10月5既個日無用套進行性行為
大唔中機會會有bb?:sob::sob:
但係岩岩尼完m應該冇咁快會排卵?
完m之後4日都會比較安全?

你好呀,其實你既理解部分啱,部分唔啱。一般黎講,女仔既排卵期係月經周期中間果日,假設周期有28日,就會認為係第14日排卵,不過日子未必咁精準,因此都要預幾日排卵提前既可能(所謂安全期都係用呢種思路去估計)。你宜家9月30日黎m,到有性行為果日係周期第6日,就算精子係體內存活2日,到左周期第8日,都可以話並非一般排卵期既範圍,又或者叫所謂既安全期。

不過一定要注意既係(此處先係重點!),首先,如果你既周期特別短、又或者一時長一時短,咁就算係m完後果日、或者係所謂安全期進行性行為都並唔安全,因為你既排卵時間可能同m期好貼,甚至有啲人會出現m期間排卵既情況(不過比較少見);其次,用安全期去推算避孕既方法需要女仔周期好穩定先可以使用,其中變數好多,避孕失敗率都好高,所以唔好依賴呢種方法呀!

總之如果你m期本身唔係太短,咁其實今次懷孕既風險係唔大既,又唔需要過度擔心。不過,如果你都係好驚又唔怕麻煩,家計會係有提供緊急事後丸,120小時內服用都有效,需要打電話去預約。不過想再強調下,相信以你既情況,相信懷孕風險未去到咁高既程度~而且事後丸荷爾蒙較高,服用後可能有副作用,所以是否要去拎,真係要睇你個人考慮。其實以後不妨都嘗試用啲更加穩陣既避孕方法,咁就唔駛咁心掛掛啦。

唔該曬你咁詳盡既解答啊:pray:t2::pray:t2:
不過我都係怕擔心食左事後丸
所以應該冇問題:shushing_face:

1個讚