麻煩解答一下!!謝謝

想問一下
尿道球腺液和前列腺液有咩分別和作用
同埋幾時先會產生
一樣會有機會有BB嗎?

你好呀,前列腺液,顧名思義就係前列腺產生架喇。係刺激男性前列腺時,例如肛交,會令其性興奮,咁就會分泌前列腺液。當然,男女進行性行為時,男性係性興奮既情況下都會分泌前列腺液,而大多都係射精既時候隨精液一齊射出,係精液成分中既一種,主要作用都係提供精子需要既養分、維持一個適合精子生存既酸鹼度等等配合精子既功能!

而尿道球腺液(俗稱既pre-cum),就係尿道球腺分泌既。最大既唔同就係性興奮而未射精時,男性已經會分泌尿道球腺液,係透明既液體,可以係龜頭上見到(仲有距離龜頭非常近既尿道口)。佢主要係起到潤滑作用;)精液中也會含有少量尿道球腺液,不過按含量而言會少過前列腺液。

至於係咪會令到女性受精,尿道球腺液中係含有少量精子,因此係有機會女性受孕。之所以會推薦大家係性行為一開始就要戴condom,亦都係因為呢種液體既存在。甚至有時雖然未插入,但男性性興奮時已經會產生尿道球腺液,要格外留意。至於前列腺液,確實有研究顯示,純既前列腺液並唔會令到女性懷孕,不過其實一般都唔會出現只產生前列腺液既情況(往往係同精子一齊射出黎),因此性行為都係要採取保護措施先比較穩陣呀。