有無懷孕?

煩左兩個月
8月22 同男朋友下面磨 佢下面對住陰道口
不過無插 然後佢話佢都無咩點硬 最後都無射到精
但係我又好怕會唔會射精前既液體流入去
馬上去沖左個涼
8月23早上已經馬上黎左m 同平時一樣
8月25已經黎到7788 又有磨 但係無對陰道口
純粹陰蒂位 一樣無射精
但係之後9月頭同中一直子宮唔舒服 成日會抽住抽住
上網睇話係懷孕前期子宮擴大緊
搞到我好驚 所以9月20驗左孕
驗完係一條線 但係好擔心會唔會用錯驗孕棒
我係買萬寧個隻 然後係坐左係馬桶
將支野打平然後就屙係個試紙中
中途有少少濺到上判定區個邊
上網睇話會有影響?
然後驗完無事就安心左一陣
9月24黎m 但係唔sure係咪月經
感覺顏色比以前深 但係量差唔多
因為上網睇到有人話假月經 啡啡地咁
10月頭又黎 突然腰痛然後子宮又有少少唔舒服
上星期有再驗多次 都係一樣驗法 都係一條線
到底有無可能懷孕?:sob:

求解答:sob::sob::sob::sob::sob:

驗左就唔怕啦 何況都無插入去同埋射精

但係子宮成日壓住壓住咁:sob:

唔好比咁大壓力自已 食下綠豆沙吹經

Hello 睇得出你好擔心會唔會懷孕,不過可以放心先,聽你狀況其實懷孕嘅可能性非常之低呀。

1)雖然好似你咁講,男性係射精前嘅尿道球腺分泌係有精子,如果進入到陰道一樣可以造成懷孕。不過睇番你嘅情況,兩次體外摩擦都無拎分泌物 直接 進入到陰道,加上其實精子如果接觸到空氣好快就會死亡,就算係之後唔小心再流到入去其實都已經過咗一陣,風險亦都變得好低。

2)你呢幾個月都有月經,雖然是個顏色有少少唔同,但本身月經就係好容易被外在/內在因素影響到嘅,例如係壓力或者有病過等等,都有機會影響月經嘅日子,顏色同量。只要無令你身體好唔舒服,其實都無大礙嘅。通常啲人講嘅【假月經】係指「著床性出血」,呢個狀況會係受精卵著床後出現少量血,一嚟唔會好似月經咁多,亦唔會好似月經咁連續每個月都有。而且呢個狀況其實並唔常見,所以都可以排除呢個可能性吖。

3)有關驗孕嘅問題,有少少濺到上判定區個邊其實唔係太大影響,最緊要都係試紙嘅部份有完全沾濕到。

4)你覺得子宮有唔舒服,其實可以有好多原因嘅。要睇番你本身以往月經前會唔會都有類似嘅唔舒服,其次其實其他身體狀況都有機會令子宮唔舒服,同懷孕未必有直接關係。但如果以往都無類似嘅唔舒服,而情況係有持續,都建議去睇下醫生做檢查,睇下會唔會係子宮有發炎或者感染。

其實距離上次嘅性接觸都已經差不多3個月,如果真係懷孕好多時都已經會有懷孕跡象出現,例如孕吐等等,而且亦唔應該會繼續有月經。如果你都仲係好擔心嘅話,可以考慮再驗一次孕,(可以試下用另一個牌子),結果會非常準確架。