如果離M七日後 姐係安存期啦 帶套內射會唔會有BB 幾率大唔大？
求解答
你好呀，全程使用安全套、而且有正確使用既話就係安全架！不過前提係性行為一開始就有戴上安全套，而唔係中途先戴，因為男性係性興奮時就已經會分泌含有精子既腺液，即使仲未射精，都依然有機會令到女仔懷孕。
至於「黎m七日後，姐係安全期」就係唔啱既諗法喇！所謂前七後七，係指黎m既第1日至第7日，同埋下一次黎m既前7日（係咪好難預測究竟係邊7日呢？），所以唔係「黎m七日後」呀。而最重要既係，安全期並唔係可靠既避孕方法，因為個前提要係女仔既周期次次都係28日，而且每次都好準時。所以，唔好根據所謂安全期黎決定是否用condom呀～
總之，無論係周期既邊一日進行性行為，都係使用避孕措施最為穩陣同安全呀！
咁帶套內射同帶套外射係咪都係一樣安存？
擔心帶套內射會有BB嘅機率高啲
你講既戴套外射，係全程戴套，但係射精之前拔出陰道的意思嗎？其實只要射精果一刻有戴套，精子都留係套內，內射都係唔會進入陰道架。因此只要有正確使用避孕套，無論射精前是否離開陰道都十分安全呀。
感謝回覆