我11月10號嚟m，14號完 15號同男友咩左，冇套外射 我好擔心會唔會有左。。。我上星期五 即22號feel到下腹穩約有d谷住谷住痛 好緊張 到而家都有 一直覺得會唔會係自己太緊張形住所以先會咁 距離下次m仲有2星期 我好唔好去買驗孕棒驗下？
建議無嚟m個時去驗，十號左右會準啲。早啲驗係難啲，最好用朝早第一次小便驗。咁早期懷孕好少徵兆嘅，下腹痛都有好多唔同原因，而且下腹痛唔係常見嘅懷孕徵兆。
你個情況都會有機會懷孕但又唔算高嘅。等驗孕依段時間可能會緊張啲，有時分散下自己注意力、做多啲自己可以放鬆同投嘅嘢、提自己有機會但唔高等等都可以舒緩你嘅緊張。
有冇同男朋友分享過你嘅擔心？可以用依個機會去睇下宜家嘅避孕方法係咪足夠。
有啊有同佢講 其實只要唔內射 懷孕機會就冇咁大？
我而家嗰種下腹痛似下搞肚痛 想放屁咁。 我上網睇懷孕初期特徵，好似都會下腹痛(?)所以我好驚
有啲女性會係受精卵著床嘅時候覺得子宮有啲痛，個感覺會有啲似下腹痛，不過呢個唔係每個人都會感受到，而且個痛嘅感覺都唔會持續嘅。而即使係懷孕，係著床後都會應該會持續感到下腹痛，所以呢個並唔係一個上鏡嘅懷孕徵兆呀，唔使擔心。反而，你持續地覺得下腹痛有機會係身體有其他唔舒服嘅徵兆，可以先驗一次孕先，令自己放下心頭大石，而如果都仲繼續覺得肚痛，不妨去睇醫生做詳細嘅檢查，解決肚痛嘅情況。另外有時覺得有啲谷住谷住痛，都有可能係谷m嘅感覺，亦有機會係因為太緊張，緊張嘅情緒都好容易會令身體覺得個肚同啲腸拿住拿住架。
最後，雖然係外射，但其實男性係性興奮時陰莖會有透明嘅尿道球腺分泌，當中都會機會有少量精子嘅，所以唔內射並唔代表完全唔會懷孕，只係比起直接內射個風險會低啲。所以想最安全咁避孕，最簡單都係用返安全套啦。
我應該冇咁快嚟m 可能要下星期或下下個星期
而家個下腹有時會痛 個肚同d腸都好似搞下搞下 又冇乜胃口 肚餓嘅話食小小就夠 好驚係同懷孕初期徵兆…
希望係因為我自己太緊張而引致㗎啦⋯⋯我會買驗孕棒驗下！謝謝你！
唔好意思，另外呢因為我頭先驗之前有飲過大杯水，d尿係透明，會唔會稀釋左d尿令到驗孕結果唔準？同埋我應該仲有一至兩星期先m，而家驗會唔會早左？但我見距離發生性行為之後已經有13日，個結果準唔準㗎？
Hello有冇人可以解答我…
你好呀，性行為後第13日驗孕，以時間來講係ok的，一般7日之後就可以驗孕，11日後就較準確。不過要想結果達到極準確，最好既時間係下次你應該黎m果日，但見你比較心急，宜家驗都ok架，因為有一定既準確率。不過提提你，驗前記得要睇清楚說明，先可以確保結果有效呀！你展示既圖片入面僅有Control區出現一條線，係代表無懷孕的，呢點相信說明書都有描述～但驗孕前飲水，就唔係太好既做法，因為有機會稀釋尿液中既hCG激素。其實睇完你既情況，我相信你懷孕既機會唔大，希望你都可以對自己放心：）如果真係真係好唔放心，可以跟足說明（例如用晨尿、如何擺放驗孕棒、幾時睇結果）再試多一次，但唔需要比自己太大心理壓力，因為懷孕機會並唔高來的，純粹係為求穩陣呀：）