驗孕我唔太識請教

驗了一次得一條好淺的線。 我第二日再驗 驗唔到
怎麼辦好戈

你好呀,首先想問點解會想驗孕呢?如果你唔介意,都可以講下原因,我地可以幫你睇返係咪有驗孕必要。如果係已經同醫生或者姑娘傾過,認同你需要驗孕,咁記得一定要跟足盒入面既說明書指示。因為市面上有唔同牌子、唔同類型,其實係好難分析出你究竟邊一步未足。所以驗之前,認真睇返說明係最好既。

另外你講既「驗唔到」又係點解呢?可唔可以等我地了解下具體既情況~

如果要驗孕,都要注意是否已經到可以驗孕既日子。但睇你既情況,更加似操作問題。希望可以解釋清楚啲,我地再試下幫你解答呀~

就是之前做了然後過了一星期做的時候有點出血
本來經期不太正常上次來M就留很多今次M還沒來
有時經血很少

全都有安全套的 今個月做有少量血出來是M嗎

你好呀,如果全程用condom,而且有正確使用,相信你懷孕既機會唔高既。另外你上次黎m係幾時,一般隔幾多日黎一次呢?每個月既周期天數有一定既出入都係正常既,因為影響m期既因素好多,加上你本身周期都唔準,未必需要因遲幾日而太過擔心,除非係delay得太嚴重。

如果係一次性行為中有出血,相信就唔係m既。m一般係持續幾日,全日都有流血、量會大少少,時間上都應該係接近周期開始既日子。但出血既情況都值得關注,你係今次第一次性行為出現,定以前都有過出血?同時有無其他異樣情況,例如下體痕、痛呢?出血原因可能係服用避孕丸、或者上次性行為用力不當、出現小小傷口,亦可能係出現感染。著床性懷孕同樣都會出血,但呢種case比較少見,而且你用過condom,懷孕風險唔高。都要再了解一下你既情況呀,或者如果你比較緊張,都可以考慮去家計會睇下醫生。