緊急避孕藥問題

星期日進行左2次性行為都冇用安全套,但係外射
之後星期一就買左避孕藥食,因為唔知係咪危險期
要食2粒,第一粒有準時食,但第二粒要格12個鐘先食,我遲左一個鐘食,效果會唔會冇咁好或者冇用架:sob::sob:?同埋食完個一日又有發生,但冇進行性行為,只係係陰部外面磨,冇入到去,可能有小小入左1cm左右!?會唔會都中招:sob::worried:好擔心

有冇人可以回覆下我:woozy_face::woozy_face:

Hello 其實市面上係有唔同種類嘅事後藥嘅,你買到需要分2次食嘅藥係正常嘅,並唔係因為你係唔係危險期。事後藥係香港係需要醫生處方嘅藥物,如果今次你無睇醫生就直接去買藥,下次有需要嘅時候記住要先去睇醫生,等醫生評估你嘅身體狀況適合食邊一隻藥啦。但如果今次係醫生開呢隻藥比你的話,咁都係覺得你適合服用先會比你食,唔駛太擔心。至於你遲咗一個鐘先食第二粒,其實影響都唔會好大嘅。不過事後丸都唔係100%可以完全避孕,每個人身體對藥物嘅反應都可能有唔同,所以都建議你係性行為發生後7-11日進行驗孕,去確保藥效。

另外,見到你有幾次性行為都無用到安全套,其實外射或者淨係體外摩擦都唔係理想嘅避孕方法嚟,男性係性興奮嘅時候會有尿道球腺分泌,當中已經有機會有精子架啦。不如襯呢個機會同伴侶討論係之後嘅安全措施要點樣做喇,如果安全套真係唔會考慮,其實都有其他類型嘅荷爾蒙避孕方案,例如係口服避孕藥,或者避孕針,咁就唔使係