m遲左就快一個星期,好擔心

30/11帶套但拔出黎嗰陣個套甩左,啲精液流左出黎,但個套前半部分仲係入面。
擔心中途係咪甩左唔知照做,然後射左係裡面。
11月16號到20號黎M,12月應該17號開始黎,但今日23號都未黎,擔任係咪上次有意外。
由11,12號開始已經背痛,有啲谷m徵兆,但到今日都未黎。

如果係除套個陣先甩,而且套嘅前半部分都係陰道入面,相對上個風險都唔高嘅。但如果擔心的話,可以直接買枝驗孕棒測試一下,咁就會放心啲,你而架做嘅結果已經會相當準確架啦。

如果排除咗懷孕可能性又未嚟月經都唔洗太擔心嘅,本身女性月經就好易被外在內在因素影響到,有壓力太緊張,或者病過食過藥,都有機會令月經出現變化。而就算無特別事情發生過,本身月經都好少係每個月同一個日子出現嘅,所以唔使太擔心!另外,好多谷m嘅徵兆其實係唔同身體狀況之下都有機會出現,所以有或者冇都唔可以直接代表月經會嚟定唔黎嘅。

而家呢一刻不如先去驗孕,確保無懷孕先。之後就可以嘗試放鬆心情,好多時太過緊張都會令月經遲嚟架!

多謝你嘅回覆,我女朋友話今日冇咗背痛,又冇肚痛,點解會咁?佢講完之後,我話等多幾日再睇睇點先,自己唔太敢提出叫佢買枝棒驗。

其實呢啲身體症狀同係咪要嚟m真係冇完全直接嘅關係架,好多其他情況都可以令你啲狀況出現或者消失,例如果日企/坐得比較耐都會令人覺得背痛,有時情緒壓力覺得好擔心都會令呢啲感覺出現嘅。亦有好多人係嚟m前唔會出現特別嘅身體症狀,即時今個月有出現嘅女性,下個月都未必會再出現,或者出現唔同嘅症狀。所以唔需要太過介懷呢啲身體嘅「症狀」呀~

你哋今次嘅情況其實會懷孕嘅風險都唔高,直接驗孕係可以最直接解決你哋心中嘅擔憂嘅。不過如果未ready好,其實有好多原因都會令月經遲嚟嘅,未必係因為懷孕。可以試下分散下女朋友嘅注意力,令佢無緊張,放鬆嘅情緒都有助身體平靜下來嘅。試下陪對方做啲開心嘅事,或者一齊去郊遊放鬆下都會有幫助嘅。