如果一星期前進行性行為 冇套入了幾下 但事後來m。雖然遲了一天，這會懷孕嗎？這會不會是假m呢？量不算少！還需要驗孕嗎？如果要 是否等月經完了才驗呢。
通常都正常時間嚟m，有時候都會遲！而冇套而入進行1-2分鐘 冇射，機會大嗎？現在正在嚟m，會唔會係假m ，擔心！正常嚟5-7日，如果嚟m後 是否應該驗一驗。
有冇人可以解答下我
Hello 如果已經出現月經，而且月經量／日子都同以往嘅差唔多，其實就已經可以排除懷孕嘅可能性。當然你都可以選擇再驗孕去令自己更放心嘅，係性行為後7日就會有初步嘅結果，係第11日後／預計嚟m嘅日子去驗個結果會更加準確，所以而家嚟緊m的話都係可以驗架。
至於你提及嘅「假m」其實係指著床性出血，係受精卵着床係子宮壁嘅時候造成出血嘅現象。不過，呢個現象並唔常見，而且唔會好似月經咁持續幾日都出血，所以唔需要擔心呀。
不過雖然你哋今次只係插入咗幾下，但男性係性興奮嘅時候已經會有透明嘅尿道球腺分泌，當中已經有機會有精子架啦，所以即使冇去到射箭，陰莖同陰道有直接接觸的話都係有懷孕風險嘅。下次即使只係幾下，都用返安全套，咁就唔使之後心掛掛啦！
以前嚟7日 宜家可能5日 但第五日都會有少少m
咁我懷孕機會係咪已經好細
咁樣都唔算係好大嘅變化，而且5日都係常見嘅月經日子嚟，可以排除係著床性出血同埋懷孕嘅可能性。當然如果你哋想再確定啲，最直接嘅做法都係買驗孕棒測試一下啊。
想補充翻 可以話係黎咗7日？5日之後都有好小好小嘅血.同啡色嘅液體 咁算唔算係m？ 懷孕機會應該小吧 如果我想驗孕應該用咩牌子會比較好呢？
聽你講嘅情況同一般月經都好相似，基本上都可以排除懷孕嘅可能性架啦。如果想驗孕的話，其實大部份牌子嘅準確度都差唔多，我哋都無特別推薦，只要留意返你買嘅牌子嘅說明書，跟返入面嘅指示去驗同睇結果就可以啦！
上次都係冇驗到。宜家今個月仲未嚟m 我會唔會有事㗎 但上次嚟左m 呢幾日都飲凍嘢 會唔會有影響㗎？另外呢 血紅素下降對月經係咪都有影響
你上個月來過月經，如果直至現在期間都無再發生過唔安全嘅性行為的話，咁基本上係無懷孕嘅可能性嘅，唔使擔心。未嚟m可以有好多原因影響到，身體狀況唔好都會係其中一個因素，例如你所講嘅血紅素下降，如果係因為某啲病或者身體情況而醫生話比你知血紅素有下降跡象，咁對整體健康，包括月經有影響都係正常嘅。至於飲凍嘢，西醫角度嚟講對身體就應該係無咩影響嘅，唔使擔心。