食避孕藥安全?

我食緊yaz個隻28日避孕丸而家第二個月 我食晒一排包括白色個四粒就剛剛黎完m 之後立即開第二排食 食左七日同男朋友做時 佢射左係入面 個七日都係準時食藥的
請問係唔係安全?

你已經連續服用事前避孕藥超過一個月,如果期間你都係有準時服藥無漏食的話,其實避孕藥已經有發揮佢嘅功效架啦,所以係安全嘅。

不過無一種避孕方法係可以完全100%避孕,好多時都會因為人為因素,例如漏食避孕藥,無正確戴好安全套等,令佢哋嘅功效減低。如果你已經準時服藥,但都會擔心懷孕風險的話,可以考慮佢額外使用埋安全套,咁避孕嘅效果就會更加強啦。而且,只有安全套先可以減低性病傳播嘅風險,亦可以減少造成性器官嘅損傷啊~

多謝你的回覆
但我很後悔同好驚既係 我食第一排最後期未到無藥效個四粒已經spotting到好似黎m咁 所以我直接skip左三粒藥跳到去無藥效個四粒 當比自己黎m 但中間冇停過藥 skip既期間亦冇進行性行動 這安全嗎

一開始食避孕藥身體係會需要時間去適應嘅,所以有機會頭幾次月經嘅日子未必直接係食無藥效嘅藥期間發生,不過其實都唔建議因為呢個情況就skip咗仲有藥效嘅藥,因為藥物嘅數量都係為咗令身體習慣有一個規律而定,即使已經有出血情況但食少咗3粒藥其實都直接令你嘅cycle有改變,下次唔好啦~不過期間你無進行到性行為,所以都唔會太影響藥效嘅。

而且你係再食咗7日藥之後先有發生性行為,其實都仲有一定嘅避孕功效係度,當然如果你會覺得擔心的話,可以先驗孕令自己安心啲嘅。係性行為7日驗已經會有初步嘅結果,11日後嘅結果就會更加準確。另外,都可以考慮係今個月嘅期間如果發生性行為都額外加埋安全套,咁一嚟比啲時間身體適應番個正確嘅cycle,亦可以減低意外嘅風險

明白了
如果重新一排食足了7日 避孕功效是否已開始?
這情

這樣懷孕機會是否不大?

原則上係嘅,加上你本身之前都食咗大概1個月嘅藥,都會有避孕功能嘅。不過安全起見,都可以驗孕去確保情況呀,始終無避孕方法係可以保證100%成功,加上有啲小狀況,驗一驗大家都會安心啲 :relaxed:

我仲食緊避孕藥 如果我想驗孕應該幾時?第幾天?上網睇要預計黎m日後驗先準 係唔係?
Thx

唔好意思睇漏咗,都係另一個post回覆咗你!驗孕嘅日子基本上係性行為11日後,或預計經期嘅日子去驗會相當準確嘅。不過,係性行為後7日去驗都會有一個初步嘅結果。