男嘅點樣edging+潮吹?另問馬眼玩法+效果

上網睇好似好好玩
利申:直男

你好呀,無論男定女,想要了解如何高潮都係好正常既事黎,有呢份好奇心都係好事~每個人對sex都係不斷探詢既過程,我可以話你知既反而係,每個人身體唔同,即使網上有許多教學、話俾你知如何進行啲性愛技巧(例如你提到既edging、潮吹),實際上好大機會唔啱用,而啱你既先係最好既:)

以潮吹為例,男性係咪一定可以有潮吹,呢方面研究都仲唔多,但係女性潮吹方面黎講,已經好肯定,並唔係所有女性都會潮吹~所以如果你照網上某啲tips去做,但未有相應既效果,都係好正常既事:p

不過係探索性愛初期,依照網上既tips去做都好正常既(相信你都曾會以中文或英文係網路搜索有關sex既字眼,所以我地呢度都唔贅述結果喇~)另一樣小建議就係,睇左啲官方資料先,再參考比較知名既news/blog,唔係太出名既網站其次,盡量唔好睇內容農場,最唔建議就係將porn當成tutorial黎睇。實際上,好多外國政府既健康署/其他NGO都存有唔少關於性既資料,最好通過呢啲渠道了解左先~而有啲可信度較高既網站(例如BBC),都會小心求證過內容再publish。至於av、gv,呢類影片其實娛樂性較強,同現實可以爭好遠!

舉個小小例子,如果你搵緊Edging有關資料,就建議你睇左由專家同學者組成既 The International Society for Sexual Medicine(ISSM)所publish既資料先:
《 What is “edging” and why might it be employed?》

而Vice都算係唔錯既新媒體,因此可以再參考:
《A Guide to Edging - Vice》

最後,提提你,網路資料不可全信,若出現唔舒服既情況要幾時停止~!希望你可以搵到啱自己既技巧,同時都記得要關注性健康,時刻評估風險呀~

咁馬眼嗰度呢

你好阿,我地都可以俾啲簡單既概念你,但都係果句,無論邊一種性愛方式或性行為,希望你係嘗試之前,一定要確保自己了解背後既風險~

所謂馬眼,其實係男性龜頭尿道口。大家所講既玩法一般則指「urethral sounding」,直白啲就理解成「探測尿道」。「探測」顧名思義,就係用一隻金屬既細針或棒,慢慢探入馬眼,有啲人會因此感覺到愉悅,亦有人會專登尋求疼痛既感覺(因此呢方式亦同S&M有關)。

同埋呢種方法唔一定只有gay先會採用(之前你所講既「男性潮吹」都係),對性既享受並唔係決定性傾向既絕對因素~唔少直男都會享受馬眼或者肛門既「性技巧」:)

但係要提提你既係,馬眼係你所提到既性技中風險最大既一種。醫學研究已經顯示,經常用金屬箸挑逗尿道口既男性中,患下泌尿道症候群(LUTS)的人數更多,即出現頻尿、急尿等情況。另一方面,如果插入物體唔潔淨,輕則引起尿道感染,若與他人交換使用,更有可能傳染性病。雖然病症唔係每個人都會出現,但都希望你做足功課再決定是否要進行呀~