琴日同男朋友有非插入性行為 佢陰莖只係係我陰道口摩擦左一兩下我就停止左佢 我有著底褲但係個陣底褲好似歪左少少 我好怕會有左 想問咁樣懷孕機會係幾多？上網望話前列腺液會導致懷孕 有人話唔會懷孕 有人話有機會 我真係好擔心
你好呀，簡單黎講，如果精子入到陰道、又成功與卵子結合，就會懷孕。所以係陰道口摩擦有無機會懷孕，要視乎當時男仔既龜頭有無分泌含精子既體液，同埋你當期有無排卵。總體黎講，摩擦令女仔懷孕機會都存在，但唔大～唔使過分擔憂：）如果你仲係有顧慮，可以講多啲details，例如你幾時黎m俾我地知～另外，視乎每個人承擔風險能力唔同，如果你好驚有bb，以後都係全程採取避孕措施最穩陣阿：）
至於前列腺液會唔會令人懷孕？有研究顯示，純既前列腺液並唔會令到女性懷孕。實際上，前列腺液往往係同精液一齊射出黎，係精液成分中既一種，主要作用都係提供精子需要既養分、維持一個適合精子生存既酸鹼度等等配合精子既功能～
要注意既係，男性係射精之前確實會分泌另一種含精液既體液，叫作尿道球腺液（俗稱既pre-cum）。男仔性興奮而未射精時，已經會分泌尿道球腺液，係透明既液體，可以係龜頭上見到（仲有距離龜頭非常近既尿道口）。所以推薦你性行為一開始就要戴condom呀～！
我對上一次經期開始係 12月8日
我問過人 佢話如果無插入懷孕機會係好微
我都仲係擔心緊
無錯呀，無插入既懷孕機會係好細既～因為始終精子都未係好直接咁射入陰道。由8號去到琴日，係周期第20日，亦不太容易推測懷孕風險
但建議你呢幾日好好休息先，因為懷孕機會真係唔大，此外就算要驗孕都未咁快～（最快要性行為後7日）所以不如暫時放下擔憂，等今個周期應該要黎m時再觀察下，相信無事的：）
咁如果我下個月黎M正常 係咪代表無事啦？
因為當時佢嘅龜頭係乾架~所以係咪唔會有機會懷孕？
其實乾濕會係比較主觀既判斷，究竟係咪未分泌體液好難講，因為即使係少少尿道球腺液，都含有唔少精子。不過都係果句，始終佢無插入陰道，風險細得多～建議你等多陣先，觀察吓今個周期既黎m情況呀
好呀唔該曬你
唔好意思我都仲係有D擔心同埋想問下 如果我今個週期月經到左 係咪姐係代表我無事？ 同埋因為我個陣摩擦係著住左內褲 我都feel到佢係淨係掂到底褲 咁樣的話懷孕機會又係幾多？
如果佢淨係底褲度摩擦，咁懷孕機會基本就係冇喇～因為係呢種情況，就算佢有少少體液分泌，都好難穿過底褲進入陰道。比起陰莖係陰道口直接摩擦，會再風險微啲，所以可以安心～
聽完你講我放心曬 唔該曬你！
2個讚
我想問下如果 女仔有M巾 有打底褲有底褲 男仔有底褲有運動褲（佢有D前例缐液透左少少 ）摩擦左一陣 應該安全期 咁樣會唔會有bb
唔使擔心呀，隔著咁多層（M巾+底褲+打底褲+底褲+運動褲），即使有尿道球腺液（男性性興奮時會分泌嘅透明液體，當中亦有機會含有精子）都已經被衣物吸收，精子亦無辦法移動。精子接觸空氣同其他物質（例如布料）之後亦好快會死亡。係呢個情況下係絕對無可能造成懷孕架。性器官至少要有直接接觸過，懷孕嘅風險先會比較大。當然最理想嘅係即使體外摩擦都使用安全措施，例如安全套，咁就萬無一失，自己亦會安心啲。
多謝你呀！我想問下 我上個月31日來m琴日唔舒服睇醫生之後食藥 咁會唔會影響下次嚟M
生病時服藥（特別係抗生素類）係會有機會令下一次月經來遲少少啊，無需太擔心。 
多謝你嘅回覆 ，我想問下 如果係男朋友屋企幫佢打飛機 ，有前例液。之後再用洒精抹手然後大約用咗20分鐘返屋企 返到去都有洗手 沖涼時侯再自慰下面咁樣會唔會有bb
睇你嘅情況，係唔會有懷孕嘅風險啊 。
精子喺空氣中好容易就死亡，因為精子係需要特定嘅濕度同埋溫度先生存到，而尿道球腺液（Pre-cum）／精液暴露喺空氣嘅過程中，亦好快會乾透，精子就會失去左活動嘅媒介，而無辦法進入女性陰道，令女性懷孕。
你用酒精抹手嘅期間，其實已經有機會令精子活動能力大大減低，甚至殺死精子。而番屋企嘅20分鐘過程中，內含精子嘅剩餘分泌物其實好大機會都已經乾透，令精子無辦法繼續存活。加上你番到屋企亦有洗手，即使有殘留嘅分泌物，亦會於呢個時候被沖走左～ 所以你沖涼嘅時候再自慰，係唔會導致懷孕啊。 
＊陰莖性興奮嘅時候，會分泌出透明嘅尿道球腺液，內含少量精子，係有機會導致懷孕。而前列腺液，一般唔會單獨排出體外，而係會於體內混合精液，再一齊射出。
但係要提醒番雖然部分酒精搓手液內含嘅化學物質（例如isopropyl alcohol），係能夠減低精子活動能力，或者甚至「殺精」，但千萬唔好當做「殺精劑」使用～ 因為性器官嘅皮膚係好敏感，咁強烈嘅化學物質係會有機會傷害陰道／陰莖上嘅皮膚～！
最簡單，而又安全嘅做法，都係每次接觸到自己／對方分泌物之後，洗過手，先好再接觸彼此嘅性器官，咁就有助避免懷孕同埋性病傳播風險啦。 
我依家30號 上次黎m31號 到而家都未嚟 搞到我好驚 但係我有胸痛 背酸痛，因為係我同左男友摩擦左大約8次 不過呢8次 我都有隔m巾同埋雙方都著褲 佢亦冇乜前例液 有2次我冇m巾 不過兩個都有著褲+一張被 去頂私處 事後佢冇前例液。係我要黎m前一個星期到 因為發淡所以食咗4日抗生素 我依家到底會唔會有bb我就嚟崩潰 我真係好驚
如果性行為過程中，彼此性器官係無直接接觸，亦無接觸過對方嘅分泌物的話，其實係唔會有機會導致懷孕啊～ 正如你上文提及到，呢8次摩擦嘅期間，雙方都有著褲（有時亦會隔住衛生巾或者被）。其實就好似 @Kitty_StickyRiceLove 提及過咁，尿道球腺液（Pre-cum）／精液都係好難穿過衣物去進入陰道，導致懷孕啊～～ 因為好多時尿道球腺液／精液好多時接觸到衣物後，都好快就會被衣服吸收／乾透，令分泌物內嘅精子亦會失去活動能力而死亡。
當然，要提醒嘅係，正如之前有提及過，
所以如果日後無隔住衣物發生性行為嘅時候，就唔應該事後單靠觀察男朋友嘅龜頭係咪乾透，去推測有無分泌過尿道球腺液，而判斷有無懷孕嘅風險
最後，亦都好似之前提及過咁，
你黎月經前有服用過4日抗生素，所以如果暫時只係距離預定來經日子遲左幾日／1星期，其實都係好正常嘅，無需太擔心 
不過，如果你都係好擔心有機會導致懷孕的話， 可以選擇性行為11日後驗孕 。一般受精卵著床需要6-9日，所以性行為7日後驗孕已經可以有初步結果。而性行為11日後驗孕，就會比較準確同埋可靠啦 但係亦都提醒番，其實本身有隔住衣物發生性行為，懷孕風險其實係近乎零。驗孕呢個行為只係希望能夠幫助你內心覺得安心D。 
如果你覺得即使驗孕結果顯示無懷孕，亦都無助你放心D的話，其實都無太大嘅必要去驗孕。但係如果最後有驗孕的話，就要相信驗孕嘅結果啦
最後，因為都發現你其實過往都有即使隔住衣物摩擦，但係都依然好擔心會有機會導致懷孕嘅情況。如果係會咁影響你嘅心情，甚至有焦慮嘅感覺，可能都會建議你日後連體外隔住衣物嘅摩擦都暫時唔好嘗試住，又或者對方戴左安全套先發生較親密嘅性行為啦～ 希望有助你嘅心情會放鬆D，或者等身心都準備好嘅時候，再發生較親密嘅性行為
Thx a lot
1個讚