求解答qqqq

請問如果正確戴套兼在射之前拔出(戴著套外射)是否安全?
如果用以上方法每個月做1-2次的懷孕機率有多少?

Hello 如果正確使用安全套的話其實係安全的,避孕率平均大概係92%左右。至於懷孕機率其實都冇辦法可以好實質地以數字去回答你,因為每次性行為當中都可以有唔同因素影響避孕率,而同一時間其實要真正造成懷孕都唔係想像中咁容易嘅,要精子成功進入到陰道再去到子宮再成功同卵子結合其實都唔係容易嘅事。

只要你哋有盡力去做足避孕措施,其實一般都已經係足夠安全架啦。如果你哋擔心安全套唔夠安全,可以考慮額外再配合荷爾蒙避孕法,例如係口服避孕藥,或者係避孕針/避孕貼等等,雙管齊下都可以令避孕率更加提高。如果覺得有需要,可以去家計會診所,或者私家診所,等醫生了解你哋嘅身體狀況後再決定要用邊種方案或者係邊隻牌子嘅藥物。