一般孕吐會幾時發生?

其實我都知機會好微 但都想嚟求個解答

喺過去十二月我同男朋友有兩次親密接觸
一次係14號 陰莖冇靠近過我陰道(因為我都好注意唔俾佢靠太近)
只係手交同口交 最後口入面射
去到射之前陰莖都幾乾 唔係太多液體分泌

第二次係25號
都係手交同口交 陰莖同陰道雖然靠近過但有接觸到(同樣地因為我驚驚地,用手擋住咗)
最後都係口爆

我上一次嚟m係12月6 正常嚟講呢兩日都安全
但我月經唔準 所以都冇乜參考價值 …

然後呢一個禮拜 我可能係凍親或者乜嘢
嘔咗兩次 兩次都係食完生冷嘢/吹完風嘔
食暖嘢就冇嘢嘅 食慾都冇乜改變
但由於我真係驚 同埋冇試過嘔得咁密
仲要除咗嘔之外完全冇唔舒服
都想問下究竟孕吐會喺幾時發生 唔該哂 :bowing_woman:t2:

Hello 其實你最近兩次嘅親密接觸陰莖/尿道球腺分泌(男性性興奮時會有嘅透明分泌,pre-cum)/精液都冇直接接觸過你嘅陰部,亦無進入到陰道,加上精子係接觸空氣或其他物質(皮膚,衣物等等)後好快會死亡,所以即使你隻手有接觸到含有精子嘅分泌物之後又唔小心掂到自己陰部都唔會造成懷孕。所以總括黎講,呢兩次親密接觸都係無咩懷孕風險嘅,唔使太擔心呀。

一般嚟講,要係受精卵成功著床(至少7-11日左右)後身體開始慢慢產生唔同嘅變化,包括製造荷爾蒙,先會開始出現唔同嘅懷孕症狀,例如孕吐。不過呢啲症狀每個人嘅狀況都會唔一樣,有啲孕婦整個懷孕過程都無出現過,亦有啲好早就會出現,不過通常都要1個月後先會有嘅。

而你嘅情況,因為基本上都無懷孕風險,你會嘔好大機會真係因為身體唔舒服啦,例如係你講嘅食過生冷嘢或者吹親。有時啲菌唔係太強,身體嘅免疫系統都會自然對抗到,只會有少量嘅不適嘅反應,好似你今次嘔咁,嘔完就冇咩事。如果你有繼續嘔的話,就要盡快去睇醫生啦!呢排盡量小心飲食同保暖啦,應該好快就會無事,唔駛擔心!:relaxed: