擔心著床..

我最近一次月經係12月5日, 大約嚟咗7日。係12月29號同男友嘗試肛交但唔成功, 只係有少少透明嘅液體, 已經用紙巾清理。陰莖無進入甚至接觸到陰道,但好擔心係用紙巾之前已經流入陰道受精…好擔心
加上今日(1月4日)陰道有血跡,因為血量比平日第一日m少好多,只係幾滴, 好驚係著床出血而唔係月經。可唔可以解答下我嘅情況會唔會係有咗:sob:

精子暴露系空氣之中,通常會在幾分鐘內死亡。過程中陰莖亦無進入過陰道,所以精子能夠成功存活並進入陰道嘅機會係好細,可以放心:relaxed:

另外,解釋番「著床性出血」,本身唔係一個好常見嘅情況。著床性出血唔似一般月經,呢個狀況並唔會持續出血。即使今次第一日經血量較少,但只要觀察到之後幾日都有持續流血,都可以排除著床性出血嘅可能性啦:blush: 係黎月經的話,更無需擔心懷孕嘅可能性。

如果都係好擔心的話,建議可以購買驗孕棒,直接檢驗一次令自己放心~:grinning:

最後提提你,雖然今次嘗試進行肛交並唔成功,但提醒番因為肛門部分黏膜較脆弱,下次進行肛交時可以透過戴安全套,同埋使用潤滑劑,減低肛門破損及細菌感染嘅危險啊:relaxed::exclamation: