「著床性出血」

想了解返呢方面 係咪即係一般人所講嘅假月經
亦都想問下 如果真係 著床性出血 一般會維持幾多日? 情況又係點?

一般黎講網上/坊間討論嘅「假月經」就係指「著床性出血:blush:

當受精卵著床系子宮壁嘅時候,有機會會造成出血嘅狀況。原因可以係因為(一)受精卵與子宮壁碰撞時造成出血情況;(二)因為荷爾蒙問題造成出血情況。

一般著床性出血嘅血量較少,顏色較淺,可能會少至只有一滴血,部分人可能血量會多少少。血量係護墊可以承載嘅血量,通常只會一日內一瞬間流完,並唔會似月經咁持續黎4-5日。著床性出血時亦唔會好似黎月經咁身體有劇烈感覺(例如肚痛、頭暈等)。

如果真係懷孕期間持續出血的話,就必須要去睇醫生:hospital::exclamation:因為出血原因可能係子宮外孕、荷爾蒙問題、受精卵著床情況唔穩定等。

補充番少少資料,其實陰道出血原因,除左「著床性出血」之外,都可能係因為子宮發炎、陰道發炎、性行為期間陰道受損等因素。部分人可能服用避孕藥時,無固定定時服藥,或避孕藥唔適合個人體質,身體唔適應的話,亦有機會出現出血情況。

睇番你之前嘅post,都發現你對「著床性出血」有唔少疑問,想了解更多:pen:如果係因為擔心自己懷孕嘅話,都係建議番先買驗孕棒,直接檢測一次令自己放心D。如果排除左懷孕因素,而依然有出血情況,可以再繼續同我地分享討論啊:relaxed: