會唔會中招😟

12月12黎m 17號走
係20號同男朋友發生左性行為 男朋友用生殖器係陰部磨左一陣打丁射左係我條腰上面 之後即刻去沖涼
係22號男朋友打丁 跟住用摸過生殖器嘅手 插左入陰道 唔知手上有冇前列腺液 完左之後隔左一陣先去沖涼
好驚有左bb 我同男朋友仲係學生:sob:

根據20號嘅情況,提醒番當男方性興奮嘅時候,陰莖就會排出「尿道球腺分泌」。而呢種分泌物內係含有少量精子,即使最後係進行「體外射精」,但尿道球腺分泌依然有機會令女性懷孕。不過一般黎講因為分泌物內精子數量太少,所以導致懷孕機會都比較低,唔需要太擔心住:relaxed:

而22號嘅情況呢,基本上尿道球腺分泌內嘅精子暴露系空氣中,其實幾分鐘內就會死亡。所以就算之後男朋友將手插左入陰道,今次亦唔需要太擔心嘅,懷孕風險都係好低:blush:

睇番你距離上次性行為都已經過左11日以上,依然係好擔心的話,可以試下買驗孕棒直接測試一次,咁就令自己更加放心啦:heartbeat::relaxed:

最後,記得雖然尿道球腺分泌會導致懷孕嘅機會率較精液低,但係都唔係完全無風險架~ 下次 只要有性器官接觸戴番安全套 會安全D!另外,溫馨小提示:exclamation:因為手指甲內可以藏有好多細菌,建議下次指交前,都要先提醒對方洗乾淨手,同埋剪好指甲,避免刮傷陰部。接觸過自己生殖器之後,亦應先洗手,再接觸對方嘅生殖器。安全起見,亦可以選擇使用指險套(findom),減低受傷及感染風險:+1:t2:

但係呢排成日尿頻同有分泌物:sob::sob:咁係點呢?:disappointed_relieved:

其實尿頻同有分泌物同懷孕都係無直接關係嘅,唔駛太擔心。有分泌物可以有好多原因,例如係排卵,身體狀況有改變(例如太夜訓,飲食唔定時),食過某啲食物,或者作病,都係會令身體出現唔同分泌物嘅。

如果分泌物嘅顏色同氣味都同平常無咩分別,例如都係透明/偏奶白,無氣味,小小黏,咁都唔需要太擔心吖。但如果顏色有異常,例如係綠色,紅色(帶血),黑色,或者有臭味,如果小腹或者陰部同時有唔舒服/痛嘅情況,就要快啲去睇醫生啦,有機會係子宮或者陰道有發炎,但都係同懷孕無關係嘅。

至於尿頻嘅情況,單憑暫時嘅資訊,都好難判斷到係咩原因,不過有時天氣變得乾燥,唔經唔覺都可能會飲多咗水變相容易做覺得急。另一啲情況,例如係排卵,子宮有不適,或者腸胃不適都有機會令膀胱受壓,亦有機會因為咁樣而變得容易急尿。暫時嚟睇就唔需要太擔心嘅,不過如果尿頻嘅情況持續或變差,或者分泌物量同顏色有改變就要快啲去醫生穩陣啲啦!

好呀唔該你地!

1個讚