黎遲左一星期黎M 好驚

記得係上個月5號左右黎m
之前同男友性行為個時佢頭幾下無帶套 之後都只係係出面磨 無放入去陰道
本來預計一月頭黎m但無黎
自己係12月尾服用緊中藥想知中藥大唔大影響
都試過呢幾日食多小小凍野 訓前都feel到妹妹有啲重重地既感覺 但早上又無
想知道中招既機會大唔大 唔該哂
心急人上

唔好意思打小左其他
係12月尾白帶都帶有血絲
同男朋友放入陰道嗰時之前已經有前列腺液不過佢係有前列腺液之後一兩分鐘先再放入幾下 之後再無放入過陰道

男性係性興奮時分泌嘅透明液體係「尿道球腺液」,雖然當中都係有機會含有精子,不過同你所講嘅「前列腺液」(偏奶白色,屬於精液嘅一部分)係唔一樣嘅。不過尿道球腺液如果直接接觸到陰道都係有機會造成懷孕嘅。

一般係體外磨擦而且無射精其實實際嘅尿道球腺分泌量係比較少嘅,精子係接觸空氣後好快會死亡,而且係體外亦相對上難以完整咁將精子帶入陰道同子宮。不過你哋曾經有陰莖同陰道嘅直接接觸,雖然係無射精,但都唔能夠話係完全0風險。如果擔心嘅話,最安全做法都係買支驗孕棒測試一下,不過其實懷孕嘅機會率比起直接係陰道內射精細,都唔需要太擔心嘅。

除咗懷孕之外,月經係可以俾好多因素影響到嘅,病過同太大壓力等都有機會影響到。而你提及嘅食過中藥都係其中一個可能性,所以今個月嘅月經可能會係日子或者血量上有改變都係正常架!同埋都要睇番你本身嘅月經周期,如果都係比較唔穩定或者偏長嘅話,咁都可以唔洗太擔心呀!至於你講嘅白帶有血絲,如果只係情況係無持續嘅話都唔需要太擔心。不過下次如果會再睇中醫的話都可以同佢交代返情況,睇下有無需要轉用其他藥材。