過分擔憂如何解決

5/11 同男友隔住張被磨擦 兩個都有着褲 但之後我驚佢面褲會有分泌物所以有打開咗睇下佢條底褲有冇濕 之後我見到有小小 我就即刻去咗洗手(有用梘液)之後去咗廁所 但我驚手會洗唔乾淨
但我29/11嚟咗m (雖然遲咗 經期唔太凖 23-28日都有試過 上一次嚟m係27/10 血量都多 日數7日)但我上網Search到有d人懷孕都會照嚟m 乜真係有?我20/12去咗睇一次醫生 乜都照唔到

之後30/11男友着住褲 我隔住條褲摸咗佢下體幾分鐘之後就去咗洗手(好似冇用梘液)之後隔咗10分鐘到我又去咗廁所 我成日都好驚佢d分泌物洗唔乾淨

我由11月29個次之後到而家都未嚟m 個人都有d唔開心 有d驚

1.想問下 2次發生嘅性行為造成懷孕機率有幾高

  1. 11月5個次如果真係有事正常20/12係咪已經照到胎囊?

3.我應該做d咩令自己唔好咁驚 ?(我由1130之後就冇再做咩性行為)

4.有時男友去完廁所拖我住手 或者佢手hi到自己下面再掂我我都好似好驚咁 ,我係咪過分擔憂。。?

5.而且我驚佢d分泌物hi到我d公仔同被 想問下精子乾咗係咪已經冇生命力?而且暴露起空氣係咪好快死?

同朋友都傾訴過 p.s.佢哋話我係問題兒童 傾完當下係心情好d 但翻到屋企又驚 ( ; _ ; )/~~~所以希望你地幫到我

可唔可以都俾d意見我?:frowning:

:tired_face:*

  1. [5/11]首先,因為精子暴露系空氣後, 通常會在幾分鐘內死亡 ,隔住衣物的話,要成功穿過內褲,進入到陰道嘅機會真係微乎其微啊。你嘅情況並非陰道直接接觸到精液的話,基本上精子係無進入陰道嘅機會,更加唔會引致懷孕,可以放心。:relaxed:
    [30/11]呢日情況同上,有布料隔絕、無直接進入陰道嘅性行為,懷孕嘅風險都係近乎零,無需擔心:grinning:

  2. 一般黎講,陰道超聲波需要懷孕約5週可以照到胎囊(Gestational Sac),而腹部超聲波則需要約42日後先可以照到。不過因為每個人嘅體質唔同,受孕時間會有所影響,有部分孕婦可能會推遲至45天左右時才能看到胎囊。計算番你嘅日子,假如5/11果次性行為真係有導致懷孕,因為20/12嘅時候已經夠5週(陰道超聲波)+45日(腹部超聲波),所以一般黎講係有可能照到胎囊嘅。

:point_right:t2: 不過都想問番20/12當日去醫生度檢查開始後,醫生有無先幫你驗孕?:woman_health_worker:t2::man_health_worker:t2:因為正常黎講,醫生會先確認你懷孕/有懷孕嘅機會,然後先會再幫你照超聲波。照你情況,未證明到你懷孕的話,其實唔應該會直接幫你照超聲波。所以都想了解下個情況,例如當日醫生係點講/做左咩類型檢查?:grinning:

  1. 最簡單嘅方法當然係去買驗孕棒,跟住包裝上嘅指示檢測。結果係無懷孕的話,就可以完全放心啦:relaxed::heartbeat:

  2. 同第一題一樣,精子暴露系空氣後, 通常會在幾分鐘內死亡 。即使男朋友去廁所過程中雙手碰到自己精液,出到黎拖你手果下精子都應該死亡曬架啦~ 加上無直接進入陰道嘅性行為,就真係可以放心!:kissing_closed_eyes:

  3. 答案都係同上啦~ 仲要分泌物係碰到布料上,會死得更快啊!唔洗擔心:blush:
    //

明白有好多性知識當自己唔清楚嘅時候,係會有好多憂慮。但只要學習多D,了解多D,主動發問多D,就可以慢慢消除到自己嘅疑惑:hear_no_evil::muscle:t2: 總之記得「1. 精子暴露空氣後,好快就會死亡;2. 無直接進入陰道嘅性行為,懷孕風險係好低;3. 即使你雙手接觸過對方/對方分泌物,只要之後無再直接觸碰自己下體的話,亦係唔會有懷孕風險」,相信呢三點可以消除到你好多嘅憂慮:relaxed:

下次當其中一方觸碰過自己下體或分泌物後,記得要儘快洗手,先再碰伴侶嘅身體。咁就唔洗心掛掛啦:wink: 如果真係仲係好擔心懷孕的話,每次有性接觸都記得「勤洗手」:sweat_drops:,或者任何形式嘅性接觸過程伴侶都戴埋安全套,咁就萬無一失啦:sunglasses::+1:t2:

:point_right:t2:想問一問,有無咩原因導致自己特別擔心觸碰完對方之後會懷孕啊~?:blush:基本上你講嘅情況,懷孕風險係近乎零。所以好奇係咪之前有其他事情發生過?還是系身邊人度聽過其他資訊?:grinning:

希望以上嘅回覆可以令你放心D啦:relaxed::relaxed::heartbeat::heartbeat:

醫生話我太擔心 冇咩風險 所以直接幫我照咗腹部 等我冇咁擔心 而我聽人講大概性接觸/性行為之後4個星期已經照到了 但我又唔清楚
之前因為有次嚟m嚟得2日 (7月個陣) 之後上網search就以為假m 嚇到而家:disappointed:
而家都唔敢再有啲咩性行為了 好似有d陰影

而另外我想問而家隔咗咁耐驗 冇就真係冇架啦係咪?:rofl:(sorry 我太多疑慮)同埋有冇話邊隻牌子特別准 聽人講曼秀雷敦都ok
:pray:t2::pray:t2:唔該哂你呀

其實你上網搵到嘅假m多數係指「著床性出血」,係講緊受精卵著床係子宮壁嘅時候有機會造成出血,但一般月量都好少(只係得幾滴或者護墊能夠承載到嘅份量左右),唔會好似月經咁持續出血嘅,而且亦唔係一個常見嘅狀況。加上你係7月嘅時候出現呢個狀況,如果真係懷孕,之後嘅個月都唔應該會有月經亦應該會有其他懷孕嘅徵狀,但一直到而家你都係無架嘛,所以就唔係懷孕啦唔駛擔心。其實月經除咗日子好容易受影響,血嘅狀況同量都係好容易有變化架,如果你個排身體比較虛弱,抵抗力比較差,生活習慣唔規律飲食唔均衡,壓力好大等等都有機會令個個月嘅經血量變少。除非情況一直持續,否則都係唔需要擔心架!

如果可能會懷孕嘅風險都真係令你好擔心,除咗好似Sze咁講係唔同形式嘅性接觸都使用安全套去保護,都可以考慮下荷爾蒙避孕法例如係避口服孕藥,對於唔規律嘅經期都會有調節嘅作用添架。又或者真係暫停任何形式嘅性接觸,直到自己真係準備好承受可能嘅風險再去嘗試,始終唔係只有「性行為」先係一段關係入面嘅親密表現嚟嘅,有好多嘢都可以代替到,同時亦唔會為你帶來太多壓力!

至於驗孕,其實係發生性行為後11日或者預計會嚟m嘅日子去驗孕個結果已經會好準確,你嘅情況距離上次先接觸都已經隔咗好耐,驗孕結果會好準確放心去驗啦。而牌子方面呢,其實都冇咩分別嘅,最緊要係跟足說明書去做,因為每個牌子都可能會有啲唔同,所以跟返你買嘅盒內說明書去做就最穩陣啦~同埋都要係說明書內指定嘅時間去睇結果,個咗果段時間再去睇嘅結果就已經唔準架啦~

@Kitty_StickyRiceLove
我都明白一段關係唔係得性先表達到親密 所以我地e家都暫停咗
但我年齡都比較細 食避孕藥會唔會有影響?
唔該晒呀!:pray:t2::pray:t2::pray:t2:

同埋我想問下係咪好難穿透衣物?我有時卜起佢大脾嘅時候 總係擔心d衫 hi到佢嘅下體。

[quote=“Kii, post:8, topic:3535”]
同埋我想問下精子係咪好難穿透衣物

係呀,精子係接觸空氣同其他物質(例如衣物或者皮膚)之後好快就會死,而且佢移動都需要有一個媒介(精液)去幫手,所以如果係接觸到衣物,精液被衣物吸收咗嘅話,內裡嘅精子亦唔會有辦法可以移動到去其他地方嘅。基本上只要分泌物無直接接觸/進入到陰道,要做成懷孕嘅可能性都係比上次低嘅。

而避孕藥嘅情況,現時科技好發達,避孕藥對身體基本上係無咩影響,除咗開頭會有機會有少少副作用之外,對身體同以往如果要生育都係無影響嘅。而且其實有好多女性食避孕藥係為咗調節月經,亦有唔少年紀輕嘅女仔係會食避孕藥嘅,所以即使年齡比較細同係一個大問題。不過因為事面上有唔同牌子嘅藥,每一隻所含嘅荷爾蒙同劑量都唔一樣,建議都係先搵醫生檢查一下再去決定要食邊隻藥,或者會唔會係用其他形式嘅荷爾蒙避孕法,例如係避孕貼或者避孕針。可以去家計會嘅青少年保健中心度預約見醫生,一來價錢比市面平,亦有醫生同護士嘅專業意見,有咩事亦可以隨時去覆診。

首先唔該哂你地先:sob::pray:t2:
我18/1嚟咗m 血量都算正常
但13/2白帶有小小血,以為嚟m ,點知乜都冇,到夜晚見到護墊上有小小啡啡地嘅分泌物
之後14/2到今日(16/2)仲有小小啡色嘅分泌物 係去廁所先會有 一日流得一次 有d擔心 總認住有d嘢 想問係咪懷孕着床或者作小產先會有呢d啡色分泌物:pray:t2:
會唔會有機會係荷爾蒙失調個啲症狀 如果係咁但點解上個月m又正常嘅 (不過有d奇怪係第五日開始少血 第六日又多翻 之後8日到完)
同埋上過d網站見人講有咗都會好似嚟m咁多血 所以我都有d矛盾上個月係咪真係嚟m
(p.s.雖然冇性交 但到而家有時唔小心掂到或者啲衫hi到男朋友下體都仲好擔憂) 我都有諗過食避孕藥 但又好似小題大造咗

可以俾啲意見嗎?:pray:t2:

睇番你嘅情況,18/1嘅月經血量係正常,加上期間無發生過性行為,無需要擔心有懷孕風險啊:relaxed::blush:

因為一般著床性出血(坊間常講嘅假M)嘅 血量較少,顏色較淺 ,可能會少至只有一滴血,部分人可能血量會多少少。血量係 護墊可以承載嘅血量 ,通常只會一日內一瞬間流完,並唔會似月經咁持續黎4-5日。著床性出血時亦唔會好似黎月經咁身體有劇烈感覺(例如肚痛、頭暈等)。

比較番你18/1月經嘅情況,應該就唔似係著床性出血啦:wink:

有時未有懷孕打算嘅時候,的確每一次同伴侶嘅親密接觸,可能都會令自己擔心會唔會有懷孕風險。:pleading_face::pleading_face: 不過正如上文提到,如果分泌物無直接接觸/進入到陰道的話,懷孕風險係近乎零~ 精子係好難穿過衣物進入到去你嘅陰道入面:blush: 希望可以令你更加放心啦。

但今次本來應該嚟m嘅日子都淨係有啲啡色分泌物 會唔會擔心得太多搞到荷爾蒙失調 需唔需要去睇下醫生 定睇多排先呀:persevere:

其實有唔少女性係月經前幾日都會有少少流啡嘅情況,所以都唔需要太擔心!當然亦有機會因為你今個月比較緊張導致體內荷爾蒙有少量變化,不過暫時如果冇其他症狀例如平時分泌物有異常或者身體有其他唔舒服,都係唔需要因為咁而太擔心嘅。

而家你可以嘗試調整返自己嘅心情,保持返健康啲嘅生活習慣,咁樣你身體嘅荷爾蒙平衡都會容易啲去返平常嘅狀況架。可以睇埋下個月會唔會再有流啡嘅情況,原則上只要血量唔多,亦冇令到你有其他唔舒服,都係冇問題嘅~

如果成個月經週期都淨係流啡加d血絲而且量少 咁算唔算嚟咗m?
:persevere:其實覺得今個月心情都放鬆咗小小 冇特別緊張 所以流啡都令我覺得奇怪

睇返我哋之前講過嘅內容呢就都好肯定你係冇懷孕嘅,所以即使今次月經情況同之前有啲唔同,都唔關懷孕時可以放心先。至於係咪荷爾蒙失調,雖然你之前有講過曾經試過月經只係得兩日(七月嘅事),但睇返上個月嘅月經又同以往差別唔係太大,至少血嘅顏色同血量都係同以往相似,係今個月先變咗只係流啡。距離七月都已經過咗好耐,相信即使係荷爾蒙失調而引起今個月嘅狀況都唔係長期嘅事,比較大可能係呢一兩個月之內出現嘅情況。

所以都想問番你除咗呢幾次,你仲有冇試過類似咁樣嘅情況?如果只係最近呢幾個月先至有,可以留意下呢幾個月之內除咗情緒壓力之外,有冇其他生活上嘅改變,例如飲食作息有改變,大大小小嘅變化都有機會引起體內荷爾蒙有影響嘅,但暫時黎睇都唔係需要好擔心嘅。

不過如果你覺得咁樣嘅月經規律令你覺得困擾,而同一時間你都有因為擔心懷孕而考慮想食避孕藥,其實都不妨試吓去家計會約見醫生睇下自己身體適唔適合食避孕藥或者打避孕針。因為呢類荷爾蒙藥物除咗可以避孕,亦係唔少因為月經唔規律嘅女性會選擇嘅調經方法嚟架。如果揀食藥嘅話唯一嘅麻煩點就係要堅持每一日都記得食藥,隨此之外對身體都冇太大影響。可以避孕又可以調整月經,相信都幾適合你而家嘅情況。

我7月之後到而家一直都有陰影 成日好驚會懷孕 7月到而家月經都一係就唔准時 可以遲20日 就算凖時都好奇怪 例如會每日流一兩滴血又停 之後慢慢先嚟m 總之7月到而家月經血量一係好多 一係就比正常少
不過月經前流啡就淨係得今次 而且13號到今日仲有 之前最多係月經後流:persevere:
所以我都唔肯定會唔會係長期焦慮搞到咁

嚟m前幾日我都失眠 到3,4點先瞓到 但淨係幾日影響都咁大?:confused:

睇番你月經唔規律嘅情況,都已經持續左起碼半年,建議番你去家計會睇醫生做個檢查,檢查子宮同卵巢有無問題。:woman_health_worker:t2::man_health_worker:t2:

因為呢個月經週期問題,唔係從你踏入青春期嘅時候月經就開始係咁,而係上年七月先開始,所以都唔排除你卡能上年六、七月期間身體出現左一D變化,而呢個變化持續到依家,所以睇睇醫生覺得會比較穩陣。

如果檢查後發現係無問題的話,都可以同醫生商討下調整月經嘅方法。例如係透過服食避孕藥或者打避孕針。相信月經變得規律D嘅時候,你都可以放心D,無咁擔心緊張。:blush:

而你失眠嘅情況,想了解番係最近每次月經黎之前都會失眠,定係只有一次係咁樣?

因為除左心理因素之外,其實生理因素(例如失眠)都有機會影響月經嘅情況。建議你睇醫生嘅時候,都可以同醫生詳細D去講有關嘅情況,有助醫生判斷你月經較唔規律嘅主要成因。:relaxed: