我對上一次嚟M係12月20號嚟左5日然後係31號好似接近排卵期同男朋友發生咗性行為冇套但攞咗出嚟一段時間先射然後隔第二三日見到底褲留咗啲啡色出尼然後再過多幾日發現有一啲近綠色嘅分別之後就一直好注意個人嘅衛生到而家終於冇但係直到今日我都仲未嚟M好擔心會有咗
同男朋友都係學生知危險性啦
Hello 男性係射精前已經會有尿道球腺分泌，內裡係有機會有精子嘅，所以即使係外射，但冇用安全套嘅話都係有一定風險架。不過，其實距離你上次月經日子宜家都係大概1個月左右，未係遲咗太多。你本身月經週期大概係幾多日？如果以往其實都係有咁上下日子的話，暫時都未需要太擔心嘅，因為月經可以俾好多因素影響到，例如食過藥或者太大壓力，而年紀較輕嘅女性月經亦會比較唔穩定同容易受影響，所以都未必係因為懷孕嘅。而家你可以做嘅係驗孕，買一支驗孕棒去確保自己無懷孕，咁就可以安心啲啦。下次記住要用返安全套啦！
係性行為後有啲啡色嘅分泌物有機會係因為如你所講係排卵期，或者係性行為期間因為摩擦而造成一啲小傷口所以有少量出血，如果情況無持續到唔需要擔心。而綠色嘅分泌物呢，就有機會係因為病或者陰道／子宮有感染而出現，如果同時有痕嘅話咁就好大機會係有感染啦。有時個人衛生或者內褲唔夠透氣都會造成嘅，如果再出現類似嘅分泌物就要盡快去睇醫生同避免有性接觸啦，減低互相感染嘅機會。