七月開始打混合荷爾蒙針（一個月一次），其中九月停打十月先打返。其中除咗九月無打搞到十月period遲咗九日之外，都好準咁28-29日嚟一次，一次四五日咁。
十二月開始都同男友做得多，幾乎全部內射。（其實打咗針後都係內射開）
唯獨十二月中之後suppose一月中會嚟，點知直到今日已經遲咗8日。Period遲兩日嗰日針期到，家計會幫我照打，話一個月後無m就見醫生。同日去第二度驗孕係negative，但醫生話未必準，再遲啲無period要再驗。
之後喺period遲第三四日有好少嘅啡色分泌物，又爆瘡、脾氣暴躁、輕瀉，搞到好似谷M咁，但我以前又無谷過。再之後就無乜明顯不適症狀。
金晚都無period就要再驗喇，好擔心，尤其是明明以前唔準一打就準，十月計都打咗三個月，點解會亂返？唔通真係中咗招？
另外想補充，period遲第一日（打針前一日）有做，內射但完事後陰道有血。
原則上避孕針嘅避孕率係非常高嘅，雖然你9月有停過一次，不過一般打開避孕針女性如果停針，都需要一段時間身體先會回復自然生育能力，所以你10月已經有打番針的話對避孕率黎講應該就無咩影響嘅。10月到而家你每個月都有按時打針嘅話，避孕針嘅功效都應該係冇改變嘅。加上家計會決定得幫你打今個月你一針，理應都係冇問題嘅。可以今晚驗多次孕先，其實係性行為後11日驗嘅結果已經會好準確架啦，唔使擔心。
暫時聽你講嘅情況，會係懷孕嘅可能性唔太高嘅，有時雖然有避孕針嘅影響，身體狀況同心理狀況都一樣會影響到體內荷爾蒙，從而影響到月經嘅。如果你呢個月期間有病過食過藥，或者生活習慣有改變，又或者好大壓力等等，都有機會令月經遲到嘅。而且亦有啲人係使用避孕針一段時間之後會出現停經／隔耐啲先有月經或者經血量減少嘅情況，只要確保係無懷孕，都係冇問題嘅。
你所講果啲徵狀雖然係好多人嚟m前會有，不過呢啲都唔係準確判斷係咪要嚟m嘅標準，始終煤氣人人都有，亦唔係個個月都會有，亦有好多身體狀況可以導致呢啲症狀出現，所以都唔需要太介懷佢哋嘅。
至於陰道有血嘅情況，你係打針果日有冇同家計會提起呢件事？性交後出血可以有好多原因，例如過程中摩擦太大導致陰道有小傷口，或者陰道有感染等都有機會，如果出血無持續，當時過份擔心嘅。加上係使用避孕針之後，亦會有唔少女性會出現陰道出血嘅情況，但一般都唔會維持好耐嘅。亦有可能係今個月嘅經血量變少咗，而咁啱就係當日出現。
啱啱驗咗孕冇中呀，醫生話可能係生活習慣改變之類荷爾蒙失調先遲咗period。多謝你～
1個讚