有性病點生bb?
又唔可以唔帶套
同埋其實同有性病既人一齊係咪無幸幸福?
永遠要隔住套去做愛
奶含又唔得
咩都唔得
有性病既人點生bb
你好阿～大家成日都會好強調要預防性病、有幾咁危險，不過對於患上性病（STD）既人、同佢地既伴侶黎講，其實反而應該要理解，性病唔係不可治癒既絕症，亦唔等於「從此冇性生活」。
首先，唔知你所講既性病係邊一種？唔同STD、唔同階段，嚴重程度都唔同，需要既治療方式會因人而異。衣原體、淋病等部分性病，驗身後照醫囑服用抗生素就可以醫好。愛滋病、性病疣（俗稱既椰菜花）等部分性病，情況會複雜啲，但無論幾咁複雜，宜家都有應對既方式。例如愛滋病，可以通過長期服藥將病毒水平壓抑至不可檢測既水平，也就唔會傳染；對於性病疣，醫師則會根據症狀開出處方，對症下藥。
所以，多數STD都唔係「跟足你一世」，但無論醫咩病都好，都係需要一定耐心：）你問到同有性病係一齊既人如何生bb，呢一點亦都係視乎係患上咩性病、嚴重程度等等因素。無論係有性病史、定宜家有STD，都應該醫生傾過後，再計畫懷孕。相信醫生會比到最合適既建議你～
點解你會覺得同有STD既人一齊唔會幸福呢？兩人係咪幸福，並唔在於有無性病，而係在於雙方是否已經準備好投入呢段關係，對彼此係咪有commitment。一段關係一定會遇到許多挑戰，STD只係其中之一。性病同其他既病症無異，而要做一名患者既伴侶，確實要有一定既心理準備。例如治療過程中性行為一定要用套、甚至有時唔可以進行性行為（部分STD如梅毒、性病疣用套也無法預防，通過皮膚接觸就有機會傳播）。但係咪代表就一定「有愛無性」？其實性愛既方式有好多，即使暫時唔可以進行陰道交，利用手、性玩具、身體其他敏感帶，雙方都依然可以有許多奇妙既探索經歷：）
多數情況下，「禁性」既狀態會隨療程結束而結束。許多STD可以治癒，而即使遇上較難痊癒既STD，也唔代表患上性病既呢個人唔值得被愛、唔代表一定要分手，雙方解決呢個問題既方式，反而係兩人係咪合適的試金石：）