本人自慰多年，現在三十頭，多數看片自慰，有時習慣左速食 ，會飛片看，久而久之習慣性射精，大約3-4分鍾就有想射感覺。試過去搵小姐，只係前戲口交已控制不到想射，亦試過冇前戲，都大約2-3分鍾完，尤其女上男下，係控制不到射出黎。試過用中藥調理，但只有硬度，沒有持久度，龜頭感覺好敏感。同埋耐左一星期冇射精，會更快出。請問有咩方法可以練番正常!?現在唔自慰會唔會有幫助?定睇西醫。。。
暫時醫學上對於早洩嘅定義都係指係刺激陰莖／開始進行性交后1分鐘內射精，所以可以放心少少嘅就係暫時你嘅情況都唔算係真係「早洩」嘅。不過，係自己期望嘅時間之前射精都會令人覺得好困擾嘅。其實有唔少人都會透過練習去延長自己射精嘅時間，例如係刺激陰莖到想射精嘅時候就忍住，重複練習，直至到自己期望要射精嘅時間先射精，久而久之都可以令自己無咁快就射精嘅。除此之外，市面上亦有一啲潤滑劑嘅功能係減低龜頭敏感度，從而延長射精嘅時間。亦有安全套係標榜含有呢啲潤滑劑，設計比較厚或者有特殊嘅紋路去減低刺激感，呢啲都係一個可以考慮用作改善嘅工具嚟。如果試過晒呢啲方法情況都係無改善，甚至變差嘅話，都不妨去睇睇醫生，做個詳細檢查。
有好多人天生身體係比較敏感，容易受唔住刺激，都係好常見嘅，唔係你特別有咩問題！有時對手技術太純熟都會令人更加抵受唔住刺激。而且其實射精時間都無一個標準幾耐先係正常，好多時係AV內嘅情節都係唔真實，經過剪接嘅，所以都無需要強逼自己做到男主角嘅各種程度！按返自己嘅標準同以自己身體感受為準則就係你嘅「正常」標準啦！