最後一次同男友do係2/12夜晚8點左右，第一次帶套外射過之後有抹，但隔咗大約20分鐘之後佢冇帶套喺陰道口摩擦幾下。之後第二日下晝兩點食咗事後丸。8號嘅時候有m紅色塊狀，嚟咗5日，但量好少，基本上可以用護墊幾張就搞掂。當時怕係着床出血11同13號有驗過都得一條線。
到最近唔知點解個胸脹痛感覺好重，坐車會好容易暈，個肚會陰陰地痛，肚痾。前個禮拜情緒好低落同躁。我由12月嗰次m之後就一路冇嚟過，有諗過係咪谷m但已經個幾禮拜都未見有跡象。今日再驗過一次但聽過話7個禮拜hcg太高未必驗到。雖然一向m時間同量都唔準，有試過兩個月都唔嚟，但想問係我諗太多，情緒同壓力做成遲經定係有咗？
第一次射之前都並非插入試性行為而係手交。之後除套後兩人都有洗過手。
另外由細過開始都會暈車浪，情緒低落都只係持續咗一個禮拜。另外假期時有坐過12個鐘飛機，有冇機會係其他原因做成不適而唔係有咗？
Hello 其實你哋係插入式性行為都有帶住安全套，如果有正確使用，基本上係足夠避孕嘅。即使之後你哋又試過無套係陰道口外磨擦，你哋係第二日已經食咗事後丸，相信都已經做到緊急避孕嘅效果。而且你哋之後又試過驗孕都係無懷孕，基本上都可以排除懷孕嘅可能性架啦。因為事後丸係含有高劑量嘅荷爾蒙，服用後嘅下次月經好大機會同以往嘅唔一樣，例如係好似你嘅情況咁血量變小，係常見嘅狀況嚟。至於你所講嘅著床性出血，其實本身唔係一個常見嘅情況，而且血量好少亦唔會持續好多日，你連續5日都有血，都幾肯定係真嘅月經嚟嘅。
你今日有再驗孕，結果都係無懷孕，其實一般情況下係性行為後11日或者預計經期嘅日子驗孕已經會好準確，你3次驗孕嘅日子都已經超過性行為後11日，所以結果係相當準確嘅，要相信測試嘅結果呀！
加上你都提及其實自己本身經期一向都唔準，亦有試過唔係每個月都有月經，綜合各方面嘅資訊，你而家未嚟月經相信就唔關懷孕事，唔使擔心。實在係有太多原因可以導致月經遲到，身體狀況，情緒壓力，生活習慣有改變（例如你搭過長途飛機，會影響生理時鐘）等都會有影響嘅。
如果你覺得自己經期唔準令你好困擾，不妨去見一見婦科醫生做個詳細檢查，了解下係咪身體某啲狀況令體內荷爾蒙分泌失調而導致月經唔規律。不過如果你年紀係比較細嘅話，都唔使太擔心嘅，好多人都會經歷一段時間先會令經期變得相對規律啲，亦有人一直都係唔規律嘅。如果你好想去改善，都可以考慮服食口服避孕丸或者打避孕針，呢啲方法除咗可以避孕仲有好多人會嚟調整月經架，不妨向醫生了解多啲，或者去家計會診所預約見醫生評估下適唔適合轉用呢啲方法！
ok明白。另外想問如果而家左胸上方同側面仍然有刺痛感，但觸摸時冇痛係咪多數因為要嚟經？另外如果右胸見到一條好淺嘅血管係咪都正常？
就咁睇個結果就係冇懷孕。不過留意返要按照你買嘅牌子盒內嘅指引先可以肯定呀，因為每個牌子嘅等候之間都未必一樣，要係指定之間內睇結果先係準確嘅，但一條線就係無懷孕嘅。
至於你講果啲胸痛嘅情況，其實呢啲都唔可以準確咁去推斷係咪要嚟m架。即使係同一個女性，每個月m前會有嘅症狀都可以有唔同，而且好多時呢啲症狀都可以係俾月經以外嘅因素引起，所以當需要太過在意有定冇。另外，就咁聽你形容，見到血管都係無咩色嘅，有時天氣凍或者乾燥，又或者皮膚比較薄嘅時候都會身體各處見到微絲血管，唔駛太擔心。反而如果你胸痛嘅情況持續，甚至越來越痛，就要快啲去睇醫生檢查下乳房啦。