含既性病問題

性病可以性接觸傳
但例如比一個有性病既女仔含無性病既男仔
咁性病會唔會傳比左比男仔?
因為平時係講幫有性病既人含會中招
好奇問下

你好啊~希望你唔好介意,因為見到你呢排都問左幾條有關性病既問題,都想講下如果你有啲咩關於自己既具體concern都可以放心話比我地知:)如果純粹處於好奇,我地都推介你去幾個資料網站睇下。因為你既問題係好general咁問到所有性病(STD),但其實唔同既STD既差別非常大,只有具體啲先可以回答你既問題~如果你想要general既答案,咁就係「視乎係咩病」。

有用資料可以睇呢度:
衛生署:常見的性傳播感染


英國國民保健署:性病

有STD既人幫人口交係咪會傳染,主要視乎病毒或者菌係咪可以通過皮膚接觸(下面factsheet上面寫有skin-to-skin contact既病)傳播,同埋病毒係咪會感染咽喉或者口唇部。例如淋病同梅毒,要視乎患者既咽喉係咪受到感染,如果係,即使無性器官接觸,都有機會通過口交傳比第二個。再例如,皰疹係可以生係口唇部,幫人口交時如果其他人唔小心接觸到都有風險感染。反而大家平時聽得比較多既HIV病毒,就極度極度少會通過幫人口交而傳比第二個。

如果你有興趣,可以睇吓呢張factsheet了解更多~

因為唔知佢有無性病,個女仔淨係幫我含過
所以問1問
任何性病都計

咁要視乎個女仔係咪有性病,同埋係咩病~其實你有無諗過同佢溝通下,直接問下佢呢?因為有啲性病就算之後會develop出病徵,但好多時係睇唔出既。 所以同佢直接溝通,confirm係咪有STD好過我地係度估:)我諗都有可能佢係健康㗎,你地兩個都無事~另外你呢排下體有無唔舒服呢?

應該無, 無痛無肉粒果D
應該無事?

如果暫時身體無出現任何症狀,你亦無覺得有唔舒服嘅話,都唔需要擔心嘅。特別係如果係口交期間你嘅陰莖同對方嘅口腔/喉嚨位置都無明顯傷口嘅話,其實相對上會傳播嘅風險都係比較低嘅。而你除咗可以考慮直接當當事人溝通,了解番大家嘅身體狀況之外,都可以係稍後去進行性病測試。不過一般都建議係性交後3個月先去做,因為有部份性病都有空窗期,要過咗先會可以準確咁檢驗到嘅。

而如果之後都會擔心類似情況再出現,其實市面上都有口交套或者口交膜,係口交嘅時候就可以更加保護自己同對方啦~

好, 唔該

1個讚