關於男性自慰包皮及時間問題

本人上年12月割了包皮,現時自慰時尿道口及繫帶感覺有點奇怪,有時有點不適,是我未習慣沒有包皮下自慰還是甚麼呢?(因為我以前是包莖,勃起了包皮仍包著龜頭)

另外,本人自慰時間至少廿幾分鐘或以上,無論以前未割包皮還是現在,自慰途中陰莖會軟下來,特別是割了包皮後,大約5分鐘會開始軟,再次硬起來也較以前需時,請問是正常嗎?

你好啊,以前包莖既男仔割完包皮後自慰會感覺唔習慣係好正常既,因為之前尿道口、繫帶好少咁直接受到刺激。有啲人會覺得龜頭更加敏感,有啲人會覺得自慰唔習慣,因為之前只要用手摩擦龜頭,頂部同包莖部分既皮膚摩擦就會有快感,宜家冇左果部分皮膚,要嘗試其他方法,呢啲都好正常~經過一段時間就會適應。

不過要提下你,醫生一般唔建議割完包皮後一段時間(一般為6星期)自慰或者有性行為,記得要跟足醫囑呀。

至於男性自慰(或者性行為)途中陰莖軟下來既情況都會出現,有啲人可能係因為用藥,例如糖尿病、抗抑鬱藥物等等,但對於比較後生既男仔而言,好多時都係心理或者情緒緣故,例如係自慰中間係咪冇咁集中,又或者當時心情低落,又或者長期用同一種模式去刺激,可能身體冇咩新鮮感。因為你之後往往都會硬返,所以好少會影響到生活,都唔使太擔心~至於點解割包皮後感覺需時較長先可以硬返,我諗有可能係宜家你仲未適應到割包皮後自慰,需要時間習慣。每個人自慰都有唔同既時間,只要唔係情況太過特殊(例如完全維持唔到勃起),都唔需要太執著於幾分鐘既差別。Happy masturbate~

1個讚

我都發現自己自慰時,好似好在意自己夠唔夠硬,或者對住j圖及av心大心細,唔知睇邊個好而分心⋯⋯其實有冇咩辦法讓自己自慰時完全放鬆呢?

係呀,其實呢種情況都好常見,有啲男仔係自慰時覺得自己唔夠大,到真正發生性行為時又會係驚自己係女仔面前表現唔夠好,呢種焦慮絕對會令性呢件事冇咁愉快。面對呢種情況,一黎係要focus(無論係專注於你既性幻想,定係專注於你既伴侶),二黎就係要記得self-love~其實性、尤其係自慰都係一個令自己愛自己既過程,因為過程中你會不斷咁探索自己(同其他人)既身體,發現點樣係最舒服,呢啲都係每個人好唔同既特質。所以性其實係冇得比較㗎,你所擁有既野都係獨一無二,啱你既先係最好的:)

所以下次自慰時,都不妨將自己100%咁代入性幻想(或者你睇緊既av),好似有一個情境、演一出戲咁,又或者將視線放係特別吸引你既身體部位上~當然,環境都好重要,開始之前都可以話比自己知,係要進行一件令自己開心既事,保持心情愉快;)其實經常睇av既人都不免會將av入面男優、女優既性器官大小同現實生活比較,不過其實諗真啲,咁樣既比較只會令我地徒增壓力,反而失去好多樂趣呀