有啲擔心會唔會有咗

上個月1號我女朋友黎m,跟住我哋23號做愛,諗住係安全期就冇戴套,冇內射到,之後佢都有去沖澡,但去到依家我女朋友都未黎m,平時佢黎m都好準,但依家就遲咗4日…會唔會已經有咗?係咪要去買枝驗孕棒check下?

你好呀~即使你女友平時m都好準確,遲黎4日其實都算係比較正常既範圍內,唔使驚住~一般黎m的時間都會受到佢呢排作息、心情、飲食同埋有無病過等等好多因素影響,同埋荷爾蒙分泌都會令到m提前或者遲到,所以完全可以再等多幾日。不過因為你地進行無套性行為、無其他保護措施,咁都有一定懷孕風險(就算無內射都係唔安全㗎),所以如果想求穩陣,女仔又同意,用驗孕棒測試吓都好。

性行為後1周就可以驗孕,11日後結果就會好準確,所以今日同埋之後驗孕都ok既,要跟足說明書進行步驟。雖然話係驗孕,但希望你地唔好有太大心理負擔,其實並唔代表佢真係有左,只係為求心安~同埋要相信測試結果:)

最後都要提吓,安全期+pull out(射精前拔出)既方法真係好唔可靠,如果想大家安心享受性行為,都係全程用套、或者採用其他避孕方法好啲呀~