月經仲未黎

之前用驗孕棒驗過一次係無事 不過係網上買好平 唔知準唔準啦 呢排Feel到少少下腹痛 但仲未黎m 請問有咩辦法可以催經呢?謝謝

Ps我上個月m係5號黎 上次週期數好準係28日

原則上有係適當日子(性行為後11日起)正確使用驗孕棒的話結果都係可信嘅,如果擔心網上來源唔可信,可以去商店再買一支測試呀~通常想預計經期日子,可以考慮過往幾個月嘅日子,會比起單憑上一次月經周期更加準確嘅,始終月經會俾好多因素影響到,即使上個月係28日,今個月有啲變化都係好常見嘅事。

至於想快啲嚟m,其實西醫角度就無咩好特別或者自然嘅方法嘅,反而係令心情平復啲,唔好太緊張都會有助身體保持返健康平衡嘅。要小心唔好亂咁食啲唔同嘅食物,特別係好多人成日話食寒涼食物可以催經,其實都係要視乎個人體質嘅,如果食咗啲自己身體適應唔到嘅食物,可能反而會有反效果架。