(急)好驚生性病

各位好,本人為25歲,男性,多年來一直單身。昨天到泰國旅遊時禁不住誘惑,嫖妓了,這是我人生以來最大的錯誤。我後悔了,現在很怕生性病。

嫖妓過程如下:先洗澡,後我躺了下來讓她替我口交(有套),期間有撫摸她的胸部,但沒有經驗,很快就射了。之後再洗澡,然後她為我手淫,手未見有明顯傷痕。至終我和她沒有發生插入式性行為(但她好像有摸過自己陰部)。回到酒店後,我馬上再洗澡。請問:

  1. 我得性病的機會高不高?現在回想起來,如果她的床上會不會有菌,我躺在上面都會中招嗎?
  2. 現在可以有什麼補救措施?
  3. 性病有空窗期,什麼時間檢查才是最好的?
  4. 家人間時常共用毛巾,我好怕自己有感染他們,如何是好?

對不起,字數很長,我現在真的很慌張,很後悔和討厭自己⋯⋯

補充:手淫時沒有戴套,是否很危險⋯⋯:cold_sweat::cold_sweat::cold_sweat:

你好啊,好欣賞你會對自己做過既事去「反省」(未必係「反省」,因為嫖妓係咪係錯誤,呢個睇法人人唔同)。但事後會諗自己做得啱定錯、有咩影響,其實都說明你係一個有責任感、好善良既人:)

風險上黎睇,戴套口交其實已經令傳播性病既風險大大降低,加上你地無進行插入式性行為,所以整體風險都唔算好高。較危險既位有一黎,佢掂過自己陰部,如果再掂到你既陰莖,都有可能有體液接觸(但量應該好少)。第二就係有部分性病係會通過皮膚接觸而傳播,例如皰疹、椰菜花(即係低危hpv病毒感染)、梅毒等等。不過呢幾樣有時會有一定症狀~至於床單,其實物體表面係好難令你傳染性病㗎,基本上只有寄生蟲類型性病(例如蟎蟲引起既疥瘡、同陰蝨)係會通過衣物等物體傳播。當然如果環境好污糟,都唔建議進行性行為呀:(

雖然有研究也顯示,嫖妓傳染性病既機會大啲,但係你冇做過檢查之前,絕對唔需要咁驚。更加唔需要慌張,最緊要係有確認既、可靠既結果,唔好比自己吓親:)性病都唔係不治之症,亦冇你想象中咁易傳播比屋企人。現時在政府衛生科與私家都有性病check-up,你可以因應自己經濟情況,豐儉由人,做左驗身先。如果係去政府診所,記得帶埋香港身份證。

提 供 社 會 衞 生 科 ( 男 性 ) 服 務 的 診 所

至於空窗期既問題,一般係你驗過一次後、一定時間(例如3個月)後再test多次,咁避免首次測驗撞正你空窗既時候,中間唔可以進行性行為。所以你宜家去驗身都無問題~至於係咪共用毛巾會傳染性病,呢種情況微乎其微,好似開頭咁講,基本上只有寄生蟲類型性病會通過物體pass,所以唔使驚。不過從個人健康衛生角度黎講,都建議你同屋企人分開用毛巾呀,因為除左性病,好多傳染病例如流感、肺炎,反而更加會麻煩啲。

最後,唔好憎自己,每個人都會因為衝動做出一啲未諗清楚後果既行動。嫖妓都唔代表絕對染上性病,妓女同普通人無異,如果每次性愛都採取安全措施,其實都好健康同安全。當然,我地永遠唔會清楚知道對手既所有情況,所以一定要採取安全措施,同埋明白自己面對既風險~性依然係可以好安全、美好既一件事。如果你之後有啲咩問題,歡迎你再follow-up阿XD

1個讚

首先,性病可以有好多種,而傳播方式都有所不同:nerd_face:

常見例如愛滋病病毒(或稱HIV病毒)傳播方式,就包括:(1)性接觸傳播,經由體液傳播(例如無隔阻/保護嘅陰道交、口交、肛交);(2)血液接觸傳播,例如共用針筒;(3)母嬰感染。有研究指出,系性行為過程中,以安全套方式,係能夠98%有效避免到HIV病毒、淋病病毒、衣原體病毒嘅傳播:+1:t2:

不過,另外有部分性病係能夠透過性接觸以外,其他方式(如親密接觸、皮膚接觸、共用物品)傳播。例如:梅毒、性病疣(俗稱椰菜花)、生殖器疱疹可以透過皮膚接觸傳播、而陰蝨平日會匿藏於陰毛之中,更能夠透過與患者共用衣物/被褥等用品,以間接接觸方式傳播病毒:pensive::pleading_face:

等我再一一回答你嘅問題先~

  1. 感染到性病嘅機會率好低。首先你系口交過程中有戴套,而手交過程中對方手上未見有傷口,亦無進行唔安全嘅插入式行為,傳染到HIV病毒、淋病病毒及衣原體病毒嘅機會率好低。但假如女方有接觸過自己陰部嘅分泌物,再觸碰你嘅生殖器的話,就可能會再多少少風險。

雖然部分性病病毒能夠透過共用物品(如被褥)方式傳播,但因為機會率較低(除左陰蝨),系你訓系女方床上嘅時候感染到呢類性病嘅風險都好低。加上HIV病毒系空氣中好難生存好耐,可以唔洗擔心訓系床嘅時候會感染到啊~。即使咁不幸,感染到陰蝨,亦應該好快就會有徵狀(例如下體就會感到痕癢),所以會好快發現到。

  1. 除左HIV病毒現時未有醫療方式,能夠永久根治(但以現時科技已經可以做到藥物控制病情及避免傳染HIV病毒比伴侶),及由HPV病毒引起嘅性病疣(俗稱椰菜花)亦未能永久100%根治(現時有冷凍治療等方式治療)外,其他性病均能透過及早求醫方式去根治。

所以依家可以補救而又最實際有效嘅方式,都係建議你去做番個免費嘅性病測試
可以考慮以下機構:
:point_right:t2:政府社會衛生科服務診所:各類型性病檢查(較全面:+1:t2:,能即時知結果及比藥:pill:
:point_right:t2:關懷愛滋:25歲或以下青少年、男男性接觸者-愛滋滋病病毒/梅毒/淋病/衣原體/丙型肝炎
:point_right:t2:香港愛滋病基金會:愛滋滋病病毒/梅毒/丙型肝炎
:point_right:t2:再思社區健康組織 (C.H.O.I.C.E.) :愛滋病病毒/梅毒
*因為最近受疫情影響,建議前往之前,先到相關網站睇下機構有無開~!

  1. 一般指嘅空窗期,係指患者受愛滋病病毒感染,直至愛滋病病毒抗體測試檢驗出抗體嘅果段時間。一般以三個月為準。受愛滋病病毒感染嘅人,假如系「空窗期」內接受愛滋病病毒抗體測試,測試結果有可能會呈陰性反應(因為未檢驗到抗體),但體內卻帶有愛滋病病毒,係能夠傳染到比其他人。建議番性行為後90日之後(90日過程中唔能夠發生任何性行為/性接觸),先去做愛滋病病毒抗體測試,咁先可以得到最準確嘅結果。

真係好擔心的話,其實部分愛滋病病毒測試係可以系較早階段(感染後15-28日內)已經可以驗出部分病毒感染結果。不過最準確最詳盡都係90日後嘅抗體測試結果。詳情可以留意番以上機構測試資訊。

梅毒亦有潛伏期(約10-90日),所以建議番性接觸/性行為發生後90日一次過去做相關嘅性病檢查。

  1. 有感染性病嘅擔心的話,都建議番暫時唔好同家人共用毛巾住。始終部分病毒係能夠透過共用物品而傳播~等做完測試,或者身體隔一段時間並無大礙(例如下體無痕癢或紅腫跡象)之後再考慮會唔會繼續選擇與家人共用毛巾嘅習慣。以個人衛生方面考量,其實都建議盡量避免同屋企人共用毛巾(抹手巾還可,不過沖涼毛巾就建議唔好啦)~:heartbeat:

如果怕屋企人問起點解無啦啦要分開毛巾用,都可以試下同屋企人講,因為最近疫情嚴重及避免流感傳播,為左保障番個人衛生,減少疾病傳播,分翻開每人一條毛巾,每次用完可以自己即刻洗乾淨~:wink:

希望以上內容可以幫到你/減低你嘅憂慮啦:relaxed:

最後,每個人都會有性需要,需要搵方法去發洩/滿足性需要,無需要因為咁樣而自責、後悔、討厭自己:pleading_face::pleading_face::heartbeat: 見到你都好快考慮到呢次經驗會帶黎嘅影響,同埋想儘快做出補救,保護自己同埋家人,已經好好啦:muscle:t2::muscle:t2::wink:

無論咩時候,其實我地係好難完全掌握伴侶/對方嘅過往性歷史及性病情況。以後最緊要記得每一次有性接觸/發生性行為,都要做好安全措施(例如戴安全套/確保環境物品衛生)。過程亦需要雙方有共識,彼此願意有性接觸/發生性行為,咁就可以了。

@Sze_StickyRiceLove @D_StickyRiceLove
多謝兩位耐心的解答和資訊。現在我的情緒好了一點,終於有點胃口食飯,但還是有點顧慮⋯⋯

  1. 補充一點,口交時有戴套,但她亦有吮了幾下我的陰囊和乳頭,這個動作的風險高嗎?
  2. 其實整個過程的時間很短,因為剛開始不久理智就回復了,急著離開,我們的接觸(相較於正常性愛)偏少,相信就算她是帶病者,被感染到的病毒/病菌數量不會太多,請問人體免疫系統本來有沒有能力殺滅少量這類病菌/病毒呢?
  3. 自接觸已有兩天,小便暫無異常,陰莖陰囊表面沒有粒粒。照兩位提供的資料推斷,有機會出現的性病為梅毒和椰菜花。可以再分享多一點這兩個病的早期病徵嗎?好讓我有個心理準備。

剛剛是家人通電話,感到很對不起他們,他們很關心我在泰國玩得開不開心,而我卻幹了這樣的事。以前一直討厭他們,現在才真的感受到他們的愛。一想到他們會因為我幹了這種事而感到失望,甚至有機會因為我而置身於風險中,心就很痛⋯⋯原來這就是家人⋯⋯如果有個萬一,以後的人生怎樣面對⋯⋯對不起,我太不安了,無法平服⋯⋯我一抵港就會找醫生,謝謝兩位。

  1. 透過口交傳染性病嘅機會率較低,因為唾液入面含病毒量較少。加上,如果你陰囊和乳頭上無明顯傷口(如正在滲血/流血等明顯傷口),透過女方唾液傳播嘅風險就更低啦:wink:
    就好似平日即使我地同愛滋病感染者同枱食飯/共用餐具,都唔會感染到愛滋病病毒。因為愛滋病病毒需要透過大量唾液(例如2公升),先有機會傳播到:nerd_face:
    口交嘅主要傳播風險,就係當口腔/性器官上嘅黏膜較薄,容易出現左唔發覺嘅傷口,咁病毒就有更大機會透過呢D部位傳播到,進入你嘅身體。
    而本身陰囊和乳頭能夠傳染性病嘅機會係好低。如果你能夠肯定當日你陰囊和乳頭上無明顯傷口,就可以唔洗擔心啦!:smiling_face_with_three_hearts:

  2. 人類對性病嘅病毒/病菌其實係有適度嘅抵抗能力,但最主要都要視乎番自己嘅身體情況。假如身體真係好健康強壯,抵抗力強,而病毒/病菌量係好低,咁係有機會透過本身嘅免疫力而令身體無事。例如:性病疣(俗稱椰菜花)嘅治療當中,亦需要透過個人免疫系統協助消除病毒,去減低復發機會。

然而,有研究指出,其實每個人對梅毒螺旋菌都有感染性,與梅毒患者接觸,約30%嘅機會被傳染。所以,每個人都有感染嘅風險。

最緊要記得懷疑自己有感染性病風險嘅時候,唔應該以個人免疫力作為準則,而去相信自己有無感染到性病。儘快求醫,做好檢查,都係最準確有效嘅方法:relaxed:

  1. 梅毒
    早期病徵:一期或者初期梅毒,通常接觸病菌後10-90日內,受感染嘅部位會出現唔痛嘅損口(俗稱下疳)。損口表面呈肉紅色,不容易出血,邊界及底部有浸潤化而呈硬感。壓住損口嘅話,會有清澈嘅液體滲出,內含梅毒螺旋菌,傳染性極高。
    性病疣(俗稱椰菜花)
    早期病徵:男性生殖器疣最常見的部位有:陰莖、陰囊、尿道、睪丸、腹股溝、大腿或肛門周圍,會出現小肉瘤、腫塊或異常皮膚變化

假如真係因為今次經驗而感染到以上病毒,應該好快就會出現病徵。依家都無咩特別病徵出現的話,都可以放心一下嘅:blush:

最後,就如之前所講,每個人有性需要係好正常嘅事,搵性工作者亦唔係一件錯事,無需因為擔心家人嘅觀感,而感到自責:cry: 記得身體係屬於你自己,對自己負責先係最緊要啊:heartbeat:

即使最壞情況,感染到性病,透過一般生活(如共用餐具、共用廁所),其實亦唔會傳染到你嘅家人。

感染性病的話,唔代表人生走到終點。然而,性病只會係人生嘅一部分,能夠學習同佢相處及勇於面對,未來嘅人生依然充滿好多嘅可能性,可以做自己想做嘅野:grinning: 再者,梅毒、性病疣係能有方法透過食藥、冷凍治療等方式治療,有機會治癒嘅~:blush:

希望能夠釋除到你嘅顧慮啦:relaxed:

各位好,又係我,我都知我好煩……

回港後,馬上到社會衛生科做檢查,但當值醫生告訴我只能check到愛滋病/梅毒(初步檢測,三個月後需要再驗一次),且檢測需時三星期(即下星期先能取報告),而其他性病會在數十天內有病徵,有才找醫生。但由於我擔心即使受到感染亦可沒有病徵,所以預約了今個星期六到私人診所做一次全面檢查。

這幾個星期過得好辛苦,我經常去廁所檢查自己的性器,對性器的感覺又特別敏感,有空又會去查性病資料……精神有點兒崩潰。
我都知最好係等星期六全面檢查,去之前不要想太多,但還是忍不住朝壞方面想。
老實講,自接觸後差不多一個月,我暫時並無不大適,排尿沒有痛感也沒有異常分泌,唯一令我擔心是,我形住尿道口比平時紅,這是非淋的症狀嗎?可以分享一下更多這個病的資訊嗎?特別是治療的部分,這病能根治不會復發嗎?謝謝。

1個讚

因為大部份性病都有空窗期,所以醫生建議你3個月後再返去做覆查都係正常嘅,到時嘅結果亦會比較準確。當時醫生應該有係你嘅性器官上拎咗一啲分泌物去做檢查,一般情況下醫生都會即時係顯微鏡係觀察,睇下有無明顯異常嘅細菌,病毒或者寄生蟲嘅跡象,之後會再將樣本送去化驗。不過因為你現在仲過空窗期,即使有感染亦相對地難以透過顯微鏡去確認,所以醫生現在都唔能夠直接下定論。而某啲私人化驗所內係會有提供比較先進嘅儀器,可以做一啲初期嘅檢查,例如係做愛滋病病毒嘅RNA測試,就可以最快係性接觸後7天抽取樣本做測試。相信做完測試後都會令你覺得放心啲。

非淋嘅全名係非淋病性尿道炎,係指透過性行為感染,唔屬於淋病,嘅其它一切尿道炎,可以由多種唔同病菌引起,而比較常見嘅係衣原體。佢嘅症狀會同淋病有啲類似,都係排尿時覺得刺痛,有異常分泌物,或者陰莖覺得痕癢。但因為唔係人人都會出現病徵,亦未必係短時間内出現,所以有好多人連自己感染咗都唔知道,甚至到出現症狀嘅時候都唔能夠直接追查到感染嘅源頭。而呢隻感染係可以透過服用抗生素醫好嘅,只要有按醫生指示服用整個抗生素療程就會治癒,而有啲病人亦會係完成療程後去醫生度再檢查一次確保所有細菌都已經殺死。而日後只要保持安全性行為,基本上會復發嘅機會後好微嘅。非淋病性尿道炎主要係透過體液接觸而傳播,其實你嘅情況同啲對方係無直接嘅體液接觸(口交有帶套、亦無進行陰道交),所以其實會因此而感染嘅機會率都唔高。

你排尿時冇明顯痛楚,亦無異常嘅分泌物,但見到尿道口好似比較紅,其實有可能係因為最近你都比較關注自己性器官嘅狀況,會多咗留意,所以都多咗用手去檢查性器官上各個位置嘅情況,令表皮比起以往多咗磨擦同接觸而有輕微變紅;另外如果你以往都無太迫恆常地留意自己尿道口嘅顏色,其實最近嘅觀察都唔能夠完全作準嘅。

性病主要係透過高風險體液(精液、陰道分泌、腸液、血液)直接接觸;或者係黏膜組織比較脆弱嘅位置(口腔、眼睛、鼻孔、陰道、肛門等)有明顯傷口時接觸體液;或者經皮膚接觸傳染(性病疣、陰蝨、疱疹、梅毒)。有無感染性病其實同一個人嘅性別、年齡、性傾向、工作或者感情狀況都無直接關係,即使係性工作者都唔代表佢一定係有感染性病。所以即使你有同個性工作者發生過性關係都唔代表你一定會感染性病嘅。理解你因為今次性行為而覺得好擔心,但亦希望你明白其實你今次嘅性接觸期間其實因為係無任何直接嘅性器官同體液接觸,亦無發覺對方有明顯嘅症狀或者損口,所以本身會傳染到性病嘅機會率係好少。

其實大部份性病都可以透過藥物治療,而加上現時嘅藥物先進,即使係社會「好恐懼」嘅愛滋病病毒其實都係可以透過藥物去控制體內嘅病毒量,當達致不可檢測(undetectable)嘅水平時就唔會傳染到(untransmittable)愛滋病病毒。即使係暫時未有根治藥物嘅感染,好多時都可以透過藥物去控制,或者透過保持身體健康去控制唔好復發,所以即使感染咗性病都代表係世界末日。希望今個星期六你做過全面嘅檢查後會令你安心啲,亦希望今次嘅經歷令你對性病同埋如果預防性病有更深入嘅認識。暫時呢幾日就唔好過份擔心,亦要小心過份地檢查性器官(例如係經常係洗手間,特別係公共嘅洗手間,反開包皮或者用手去檢查尿道口等等)有機會令敏感嘅位置受到過多嘅磨擦,或者容易令外界嘅細菌進入尿道造成其他感染。只要每日適當地保持性器官清潔,用清水清洗,保持個人衛生同埋著通風嘅衣物,就係對性器官最好嘅護理方式啦~

星期六的報告出來了,所有性病測試均呈陰性,總算鬆一口氣,之前的焦慮都是自己嚇自己。感謝各位多次回答,說在這次經歷獲益良多好像有點奇怪,但確實讓我在這幾個星期認真思考了許多關於「性」的事情。
Life goes on! 再次感謝各位。

結果出黎係呈陰性,咁就好啦:smiling_face_with_three_hearts::confetti_ball: 我地大家都好開心聽到呢個結果:sob::heart_eyes::heartbeat::+1:t2:

你能夠系經歷之中,慢慢思考有關「性」嘅事情,係好難得架,有機會都希望聽到你嘅分享~ 我地都好開心能夠系過程中一步一步咁陪你面對今次嘅經歷,釋除你嘅憂慮:relaxed:

未來發生性行為嘅時候,記得做好安全措施,咁就安心得多啦:heartbeat:

你好,我想問一下我在5月與一名性工作者發生性行為,全程有戴安全套(但個安全套係性工作者提供) ,她有幫我有套口交,之後再換套陰道交,但最終我沒有射精,之後她再幫我自慰(有套),咁我會唔會感染愛滋或性病?之後在事發後15日我去做p24愛滋病病毒測試證實係陰性。但總是覺得自己有病徵,例如頭痛,失眠,起初有少許食慾不振,眼乾,肚痛等等… 所以想再請教,唔該:pray:t2:

Hello~ 照你所講嘅情況,喺整個性行為嘅過程中都有使用安全套,所以感染性病嘅風險非常低,唔洗太擔心:relaxed: 同埋有感染性病風險嘅前提係對方係性病患者,而性病同年齡、職業、性別並無關係嘅,所以性工作者並唔一定係性病患者。

見你提到喺性行為嘅15日後有去做p24抗原測試,而結果係陰性,咁即係初步睇係無感染嘅:blush: 如果想獲取更準確嘅測試結果,可以喺性行為嘅3個月後到社會衛生科/私家診所再次進行性病測試。

而你提到嘅病徵,有機會係由其他原因引起,例如缺乏休息、心理壓力大、感冒等等,並唔一定係感染性病,所以如果症狀持續嘅話,建議去睇醫生了解返身體狀況:man_health_worker:t2::woman_health_worker:t2:

感謝:pray:t2:

其實最令我擔心係個安全套係性工作者提供,我唔清楚個安全套有冇過期:confounded:攪到我每日都提心吊膽,仲好似樓上師兄咁每日都check住自己個性器官,超驚會出事。。。(過咗一個月都未發現性器官有異樣)

P24 係邊到做?

喺佐敦做,免費嘅

需要地址嗎?

要呀 唔該:pray:t2:

九龍佐敦庇利金街14至20號富利商業大廈3樓b室

電話: 6387 5551

記得要電話或whatsapp預約

Thanks