月經週期時間

想喺度求個安心

5/2 有進行過性行為 但無直接陰道性接觸
不過驚男朋友有尿道球腺分泌流左落去陰道
佢係射係我個肚下少少嘅地方 有啲精掂到陰毛但都即時抹返

本身琴日6/2應該嚟M 但冇 平時嚟M之前都會有啲M痛嘅感覺徵兆 但今次好似冇咁 有啲驚
可能呢排成日都好夜瞓 兩三點先訓 會唔會有影響?

想問下今次懷孕嘅機會其實係咪好低?
同埋M嘅週期大概係幾耐? 要Delay幾耐先要開始擔心?

睇番你嘅情況,無進行過直接嘅陰道接觸,陰莖無進入及接觸陰道的話,呢個情況懷孕風險係近乎零,可以放心:blush: 加上精子接觸到空氣之後,好快就會死亡,所以就算尿道球腺液內係含有精子,今次即使流到陰道嘅時候都已經死亡,所以懷孕嘅風險都係非常之低:wink:

另外,月經來遲嘅原因有好多,除左懷孕外, 睡眠時間不足、生活作息唔固定、精神過於緊張、生活壓力大、飲食習慣改變等 因素都會有所影響。唔需要太擔心住,可以睇多幾日先~ :heartbeat:

常見女性月經週期大概係21-35日左右,不過主要都要視乎番你自己平日月經週期係隔幾耐,如果比平日週期黎遲左7日內都係正常嘅:blush: 月經推遲左7日的話,排除左懷孕風險的話,都可以睇下最近係咪有咩特別因素(如藥物因素、情緒因素)影響,導致出現月經延遲嘅情況。