包皮收緊問題

19歲 本身一直有包莖問題 早在一個月前開始練習反包皮 由於睇到網上寫類固醇藥膏有幫助便開始搽。
早於約兩星期前包皮突然收得很緊 但推開後等一段時間便沒有發生。直至今個星期 一直有這種情況出現 睇左醫生開左消炎藥及停止使用類固醇同話我皮膚未習慣反開而導致包皮自己收緊 但近幾天出現有急尿情況 並不時有一陣刺痛 收縮情況亦持續 請問是咩問題?

Hello 請問你係咪已經完成晒醫生開比你嘅消炎藥?其中一個可能性係類固醇藥膏引起嘅發炎情況仲未完全解決,加上因為尿道口就係龜頭,如果有發炎嘅情況係好容易會令尿道都出現發炎,症狀就會好似你所形容嘅小便刺痛同尿頻等等。建議你儘快去返醫生到覆診,期間要盡量保持個人衛生,每日都要用清水溫和地清潔,同埋飲多啲水,會有助排走尿道內嘅細菌同加快痊癒嘅。

另外,你所買嘅類固醇藥膏係咪經由醫生處方嘅藥物?因為你所講嘅「類固醇藥膏有助包莖/反包皮」,係使用上其實都係需要好小心嘅,一般都係需要經醫生處方去使用。因為唔同藥膏含有嘅類固醇份量都一樣,而每個人嘅適應度亦會有唔同,亦唔係所有包莖嘅情況都適合呢個方法。自行購買藥膏(即使係網上有其他人用過ok嘅牌子)除咗有機會皮膚唔適應而出現發炎外,無認證嘅藥膏亦唔能夠確保佢嘅衛生情況,有機會因而引起細菌感染,下次記住唔好亂用藥膏啦!如果真係想用試下呢個方法去幫助分開包皮,最直接嘅做法都係去睇醫生,睇醫生判斷同開藥呀!