16歲家計會墮胎會唔會通知家長

男朋友願意陪伴 去家計會進行手術
想知相關流程?
輔導員會問咩?
大概需時幾耐?
同埋會唔會通知家長/需要家長陪同 比父母知左我死梗架:persevere::persevere:
麻煩晒

  1. 相關流程:
    家計會護士會系首次接見就診者嘅時候,會先問你個人病歷、進行尿液驗孕,同埋向你提供有關終止懷孕的基本資料及輔導。由於家計會認為終止懷孕係一個重要嘅決定,所以會建議就診者於初診後重新慎重考慮係咪要進行終止懷孕。
    假如就診者決定終止懷孕,家計會護士將安排就診者再次約見醫生,商議及評估終止懷孕風險,同埋進行身體及盆腔檢查,以確定就診者是否適合系家計會進行終止懷孕。

:dizzy:留意番家計會只能夠為懷孕期系十星期內(以終止懷孕當日計算)嘅就診者提供終止懷孕服務。

  1. 輔導員會問咩:
    輔導員嘅主要工作係為你提供情緒疏導及支援,協助你同男友溝通及討論終止懷孕嘅決定,同埋提供醫療、法例、社會服務等資源嘅資訊。如果男朋友都想接受輔導服務,亦可以向家計會求助啊~ :relaxed:

  2. 大概需時幾耐:
    需時幾耐,都好難比你一個確實時間。一般黎講,等醫生確認你可以接受終止懷孕之後,需要再排期2-3個星期,等待進行終止懷孕。

視乎你嘅懷孕週期、身體、心理狀況,醫生衡量過你終止懷孕嘅迫切度,都會影響你嘅排期次序及時間:woman_health_worker:t2::man_health_worker:t2: 如果家計會認為健康情況唔適合系家計會進行終止懷孕(例如長期病患者、長期服藥/個別情況),亦將會轉介去其他政府或者私家醫院:hospital:

藥物終止早期懷孕終止早期懷孕手術兩者嘅需時亦有唔同。終止早期懷孕手術(真空吸引術)手術需時約15分鐘

  1. 會唔會通知/需要家長陪同:
    家計會並唔會擅自聯絡你嘅家人,除非得到你嘅同意。不過相信不論你幾多歲都好,相信社工、輔導員/護士都會建議你話比屋企人知,因為始終係有風險既,屋企人知會穩陣放心好多:blush:

:point_right:t2:詳情可以睇番家計會網站資訊,或者打電話聯絡家計會青少年保健中心: