一、你同邊個玩？
援交
二、幾時玩？
2月5日
三、邊度玩？
香港時鐘酒店開房
四、點樣玩？
打飛J，環保吹，套屌do
五、有咩野症狀，同埋第幾日有呢個症狀？
第三日開始覺得尿頻，尿道口有啲紅腫
六、有無睇過醫生，邊日睇，佢邊一科，話你瀨咩野，同埋用咩野藥？
第五日睇咗社區衛生科，佢話我非淋病性尿道炎
開咗七日抗生素
七、有無去過任何機構做測試，幾時去（留意係進行測試個日，唔係睇報告個日），有咩野結果？
無
八、問題
同我玩條女琴日睇完醫生話完全冇異常
但係我就有非淋，我懷疑係間接感染
我而家好驚中埋皰疹
Hello 睇番你嘅情況，其實口交同打飛機呢2種性行為本身會傳染性病嘅機會率係比較細嘅，除非當時生殖器官／手／口有傷口破損，否則即使係無安全套之下去進行，都係唔大機會感染嘅。至於陰道交，你係有正確使用安全套嘅話，其實都有預防性病嘅效果嘅。除咗呢啲原因，同你發生性行為嘅對象後來經檢驗後係無感染的話，好大機會呢位女性並唔係傳染非淋病性尿道炎（衣原體）比你嘅人嚟。
其實好多性病都係可以無病徵嘅，而特別係非淋病性尿道炎，有好多感染者係可以感染多年都一直無病徵，一直到某一段時間身體狀況有變化，例如係抵抗力比較差嘅時候，先出現病徵。所以暫時去睇，好大機會你本身已經感染咗非淋病性尿道炎，可能係透過以往其他性經驗感染嘅，之後一直都無出現病徵。不過而家你已經食緊抗生素，非淋病性尿道炎係相對上容易治療好嘅，基本上你食晒啲藥都會好返唔使太擔心。
至於你擔心會同時感染埋疱疹，其實感染疱疹後係生殖器官上會出現一啲好似水泡咁嘅傷口嘅，日本潛伏期比較短（大概5－6日），你係性行為後第5日已經去過社會衛生科，如果當日醫生檢查後無表示你有感染疱疹，而截至今日你亦無出現類似嘅癥狀嘅話，咁基本上你係無感染到疱疹嘅，唔使擔心。而且雖然疱疹係可以經性行為傳染，但比較常見嘅都係因為有直接接觸到患者疱疹嘅水泡／傷口嘅分泌物先會造成感染。如果2月5日同你發生性行為嘅女性如果當時佢係無類似症狀係生殖器官上的話，你會受感染嘅可能性亦係非常微嘅，唔駛擔心。
唔知點解有少少紅點出現
但係完全唔痕唔痛
可唔可以話畀我聽發生咩事
我真係唔想有泡疹
因為你已經去過社會衛生科做檢查，當日醫生都有同你抽尿道分泌物同埋抽血做化驗，一般來講如果你已經感染左泡疹嘅話當日做嘅測試都會有初步結果。如果當日醫生都冇話你有感染，咁你染上皰疹嘅機會係非常之細嘅，唔使太擔心。如果你真係想再確認多次，市面上都有一啲可以自己喺屋企做測試嘅套裝，例如係Staysafe嘅四合一測試，當中係有包括埋檢測皰疹嘅，咁你就可以再確認一次結果啦。
至於你話有出現紅點，首先呢個都唔係皰疹嘅常見症狀，至少可以排除係感染皰疹嘅徵兆。而出現呢啲紅點嘅原因可以有好多，既然你覺得唔痕唔痛，咁呢啲紅點嘅數量多唔多？同埋係集中係邊一個位置？有機會係因為皮膚過敏，清潔得唔乾淨或者藥物敏感等等。如果冇其他症狀，例如分泌物顏色有變化，出現的話可以試吓呢幾日盡量保持清潔衛生，睇吓紅點會唔會減退。如果都係冇嘅話，可以再去睇一次醫生。不過可以放心嘅係一般性病嘅主要症狀都唔係出現紅點，即使真係有感染都可能只係細菌或者過濾性病毒，都係食藥可以醫得返，而且唔算係性病。
同埋如果紅點係集中係龜頭附近嘅位置，有機會係龜頭炎，不過都唔係性病嚟嘅。可以係因為性生活頻密或者清潔得唔乾淨，亦可以因為藥物而引起。如果紅點過咗幾日都冇消退嘅就再去睇醫生啦，唔使太擔心。
1個讚