想增大下面

小弟今年中五,其實下面不算小,都有15cm。不過常常覺得自己五夠大。小弟樣子算不錯,成日被人讚。但每次想起下面五夠大,就好無自信。試被幾個女仔追亦拒絕左,因為下面五夠大而覺得無雄風,無霸氣,怕被女仔笑,依家試過想一世單身的念頭。
平時去更衣室換衣,見到下面比較大的男仔都會好羨慕。雖然知道女性高潮與大小關係不大,但始終好想擁有大JJ。覺得下面大好型,好威,好有雄風。
JJ的問題已疑惑了好多年,亦令失去無數自信。曾經看過"鴨王"這電影,入面男主角下面好大,吸引好多女仔,同好多女仔上過床。我本人五特別要求處女,但好怕將來女朋友的前度係"巨男",自己就…現在的我,已沒有任何拍拖念頭,只望可增大下體,重拾自信!

下體的SIZE因人而異, 跟基因有關, 如高度一樣, 或許可增加營養, 但不會有太多改善.
自信跟下體的大小連上直接關係時, 會很易令人感到沮喪. 反而去改變一些你可以掌握的事, 例如如何跟女生相處, 或者發展你的才華, 吸引女生~~

睇番數據,全球平均陰莖長度(以勃起時,從恥骨開始量度計算)係約12.9cm,一般長度為12-16cm不等。而亞洲地區嘅數據嘅數值亦會偏低少少,其實都係配合番亞洲地區女性陰道較短嘅情況 :woman_teacher:t2: 所以其實15cm從數據上睇確實係一個比平均數值高嘅尺寸,無需擔心自己陰莖唔夠大。

亦研究指出,有85%嘅女性會滿意伴侶嘅陰莖尺寸,然而有45%嘅男性會認為自己嘅陰莖尺寸過短。國外有不少男性都有考慮過需要接受陰莖增長手術,但係醫生都話其實絕大部分嘅男士其實並無面對陰莖短嘅問題:wink: 好多時都會發現係男性高估左平均陰莖尺寸嘅數值。其實並唔係每個男性嘅陰莖都會好似電影/成人影片中咁大/咁長,有時呢類媒體,為左吸引更多觀眾同埋加強視覺效果效果,所以先會特別較偏向採用陰莖長嘅演員,未必反映到真實情況~:relaxed: 有時陰莖過長亦唔係一件好事啊,一方面會妨礙勃起,一方面會經常頂到女性嘅子宮體,令女方好唔舒服:persevere:

其實對於女性黎講,陰道入面其實觸覺係無咁敏銳,唔能夠準確測量到你嘅尺寸,更唔會差少少長度,就感覺完全唔同曬。比起陰莖長度,其實技巧或者性行為過程中有無關心對方嘅內心及生理需要,反而係更看重嘅部分。

希望以上嘅資訊能夠助你明白有關陰莖尺寸嘅現況,令你無咁擔心。明白有時見到自己身體同其他人唔同,係會唔覺意有所比較:cry: 但係記緊無論身體係點都好,我地好難去改變佢。反而願意接受自己嘅身體,擁有自信心,係會幫助到我地吸引其他人以及伴侶架:two_hearts: