會唔會中左

本身係2月15黎m既 上個月同男朋友搞左三次 一次係危險期 但次次都係全程有戴套同外射而佢都有望個套有冇穿 我好驚會中左 其實咁樣會唔會中招 求快答

照你嘅情況,如果有正確使用安全套,即係清潔好雙手先觸摸安全套同埋以正確方式戴上同脫下嘅話,懷孕嘅機會唔大阿:slightly_smiling_face: 同埋見你話本身係今日黎m,雖然未過原定嘅經期時間,但都想你知道經期不穩定其實有好多外在同內在因素影響架,例如:休息時間夠唔夠、心理壓力、長期熬夜、生活習慣改變、服用過藥物、長期處於擔心狀態等等,所以可以嘗試放鬆啲心情先:blush:

不過如果想放心啲嘅,可以去買驗孕棒測試。你可以買一兩個牌子去驗,如果兩個都係陰性嘅話,咁就應該係無懷孕喇~

我琴日驗左,結果係陰性,但係我仲未黎m,我好少會遲黎m,會唔會係枝驗孕棒唔準:pleading_face:

我琴日驗左,結果係陰性,但係我仲未黎m,我好少會遲黎m,會唔會係枝驗孕棒唔準:pleading_face:

如果驗孕棒嘅結果係陰性,咁應該真係無懷孕喇,因為驗孕棒嘅準確度都好高。至於遲左黎m方面,我上一個回覆都有提到經期不穩定係受好多唔同因素影響嘅,其中長期處於擔心嘅狀態都會影響經期,而年輕女性因為荷爾蒙分泌未穩定,亦有機會令經期唔穩定,所以可以嘗試放鬆心情先:slightly_smiling_face: 如果經期延遲左一星期仍然未黎,或者有任何身體不適嘅話,就建議去睇醫生了解下身體狀況。

唔該晒你啊,我係一個咩都驚一餐既人,麻煩晒你:cry: