hello又係我:）
琴日同男朋友肛交
佢係冇帶套插入左少少龜頭郁左幾下就出左去
應該插唔到直腸？
我嗰陣好乾而佢應該有少少前列線液
插完之後就肛門就有啲疼不過冇流血
咁樣會唔會生性病
我同男朋友都係固定嘅性伴侶
同埋我唔知男朋友下面係咪掂到陰道
我上次嚟m係1月17日1月21完週期我諗係36日
估計今個月應該係2月22嚟
咁懷孕嘅機會幾大🧎♀
同埋如果今個月嚟咗係咪就肯定唔會有bb
定係要睇埋下個月
Hello 答左你關於肛交嘅問題先，建議你地無論係肛交定陰道交嘅時候都戴返安全套阿，因為肛門直腸裏面有細菌，即使肛交嘅時候陰莖插得唔係好入都有機會感染細菌，可能會導致男性前列腺炎、副睪炎、泌尿道炎等問題。而肛交之後記住要清潔好陰莖同肛門，戴返個新嘅安全套先進行陰道交，因為陰莖插入陰道嘅時候有機會將細菌帶入陰道，同樣會導致細菌感染同發炎架。另外配戴安全套都可以減低感染性病嘅機會，見到你話男朋友同你係固定性伴侶，但都建議你地去做下性病測試確保雙方都無感染性病，對你地雙方都係一個保障阿。
至於肛交嘅時候可以用矽性潤滑液減低因乾燥磨擦造成嘅痛楚，亦都可以避免肛門有傷口而感染細菌。但記住唔好用油性潤滑液阿，因為佢會破壞安全套嘅表面，咁個套嘅保護就失效架喇。
另外關於懷孕機會嘅問題，如果陰莖只係接觸到外陰嘅話，懷孕嘅機會係唔大嘅，因為精子暴露喺空氣中通常幾分鐘後就會死亡。但都要留意返陰莖受到刺激嘅時候會自動流出一啲透明而黏黏地嘅液體，叫做尿道球腺液，當中都含有少量精子架。宜家距離你嘅經期都仲有段時間，可以先放鬆心情，保持健康嘅作息同飲食習慣先，如果有如期黎m嘅話就應該係無懷孕啦。
姐係代表今個月嚟左就冇事 唔洗等到下個月？
係阿，如果今個月黎左m就應該無懷孕啦，唔洗太擔心
好嘅唔該