hello啊 呢樣野唔係關於sex 仲有點無聊 但真係困擾左我好耐喇
幾個月之前如常去男友屋企 我地仲讀緊書 家教好嚴 屋企人唔俾拍拖 嗰日佢屋企人突然返左屋企 所以我要即刻匿埋 趁有機會就「逃走」
雖然最後有驚無險 但成日會諗返起呢日
我一向係一個易失眠嘅人 尤其呢排更加嚴重 晚晚都會 唔知點解晚晚都會有一刻諗起個日 匿埋好耐同偷走嘅情景 然後成個人就好緊張好驚（明明已經過去左）要不斷逼自己唔好諗
其實我知道真係好小事 都係好多人年輕都試過嘅事 所以講完都有啲尷 但呢樣野認真困擾左好耐了 失眠事小因本身慣左 但成日不經意諗起呢樣野然後緊張嘅感覺 真係好辛苦呀 點算好
Ps有同男友講 但佢唔明我有幾困擾 笑下就算 所以同佢講都無用
又唔好覺得自已無聊, 身體同感受係個人嘅專利, 無人會比你更清楚同有權去批判
可以想像果係情況係令你突然好緊張, 係前所未有嘅一個場景, 以致之後都會諗起。心理上的角度, 可能係有一刻好 panic, 如果 panic 嘅情況嚴重可能會有眩暈, 心跳加速等情況。
如果再諗起個畫面, 試下同自已講果個畫面只係喺電視見到, 及/或將視綫轉移去一啲完全無關嘅東西, 而後深呼吸… 例如, 我屋企有貓, 我見佢瞓緊覺, 會跟佢個肚肚起伏數一, 二, 一, 二…
係須要啲時間…
但如果情況持續可能要搵下社工/心理學家幫幫手
加油!
回想起畫面時, 也可以用一隻手放在額頭上, 另一隻手放在心口上/你感覺到緊張的身體部位, 例如胃/肚. 然後開著眼深呼吸, 望住一D俾到你舒服/有安全感/有力量的事物 (樹木, 公仔), 讓緊張的感覺慢慢緩下來
thanks
thanks