你好啊！我係14/2同男朋友發生左關係 我無著衫 而佢就著左底褲 個時我肯定我下體已經濕曬 我男朋友就隔住底褲模擬同我愛愛 即係（插下插下咁）持續左30秒以內左右既時間 之後我地都只係互相撫摸 同埋幫佢打飛機 雙方既性器官都無接觸到 而我地都著翻好衫 我想請問 如果咁樣模擬愛愛插入 會唔會導致懷孕？ 所謂既前列腺液會唔會導致我懷孕？而且我地係隔著左一條底褲！
我既月經週期係大約32-33日 個日係我第27日
求解答
如無意外應該後日黎m 但係總係有啲擔心
求回覆
可唔可以有人解答我
你好啊！睇返你嘅情況，由於你哋無進行插入式性行為，因此懷孕嘅風險係極低嘅。
睇返你所描述嘅情況，似乎無射精嘅情況，除非男方有漏精，否則好大機會唔會有前列腺液。其實前列腺液通常會伴隨精子排除體外，偏白色，係精液嘅一部份，姐係精液=前列腺液+精子。如果你係講緊男性陰莖流出嘅透明而黏稠嘅液體，果啲叫尿道球腺液，男性係受到性刺激時陰莖通常會自動流出， 當中含有少量精子。
就算一個唔小心有精子遺留係陰道口外，因為精子暴露係空氣中幾分鐘就會死亡，所以基本上唔會有機會入到子宮，更加唔會有機會同卵子結合而導致懷孕。
另外，因為當時男方係有着底褲，而精子接觸到其他物質，例如衣物，都好快會死。精子係需要媒介例如精液去輔助先可以進入陰道去到子宮，但你哋嘅情況即使有尿道球腺分泌都好大機會會比底褲嘅物料吸收左，就無辦法直接接觸同進入陰道。
所以你既意思係我既懷孕機率係極之少？ 今日已經係第36日 都仲未黎m 我可以點算
我之前都試過43日先黎 不過係好耐好耐之前既事 
你覺得我有無必要驗孕？但係驗又係唔係多餘呢
始終一支都算貴 同埋之前我男朋友用右手手指幫我 佢左手打飛機 我都驚到死 死都要驗 ，另外有一次試過插入 （有安全套）但係淨係進行左幾分鐘 亦無射精 事後都係我幫佢打飛機到射 全程都無接觸到性器官 我都驚 又要想驗我就係因為佢插入過 最後驗都係無事。所以我係唔係今次擔心得太多？
所以純粹係因為普通情緒心理影響而未黎m 定係懷孕？
你好阿，睇返你原post講嘅情況，就好似Kaleo咁講，懷孕嘅機會真係好低阿。 至於經期不穩定的確係會受好多唔嘅因素影響，例如長期處於擔心嘅狀態、服食過藥物、唔夠休息、飲食習慣改變等等，所以可以先嘗試放鬆心情
另外睇返你之前兩次驗孕嘅原因，其實兩次性行為嘅懷孕風險都的確係極低，所以都想了解返你擔心懷孕嘅原因~
其實因為我年紀細
不過其實有關呢方面既好多野都唔知道係點 上網又搵唔到有用既資訊 好多都係猜測 所以相對上會好擔心 因為無實質答案 
始終一個女仔正常月經係28-35不等 依家比預期遲左 點都會擔心 加上自己發生過呢啲行為就會更加擔心 
不過兩三次聽到你地話機率極低都其實已經放鬆左好多 不過我自己心理上面想佢唔好遲 會覺得心煩 同埋最近有小小心事 可能真係因為咁而延遲左
咁其實依家我係唔係需要放鬆心情 等佢黎？（其實我覺得係會黎，但係唔知幾時
）咁有無必要驗孕？（但係我覺得機率唔高
）我已經開始飲返啲暖水同埋花茶、朱古力等自己輕鬆啲
好開心知道你有嘗試搵方法去放鬆自己阿
香港嘅性教育咁缺乏，的確會令學生缺少有關性方面嘅知識，亦都唔知可以從咩途徑得到可靠嘅資訊，所以之後如果你有任何關於性嘅疑問都可以喺糖不甩依個討論區問我地架
至於月經遲黎方面，其實年輕女性經期唔規律係好正常架， 因為年輕女性嘅荷爾蒙分泌仲未穩定。所以只要你每次性行為都有正確使用安全套嘅話，即使之後月經再有遲黎嘅情況，都唔需要太擔心同急住驗孕先
咁依家我係唔係繼續等？等到幾時先驗好？
- 既然你之前試過43日黎先黎M，咁都可以等多幾日先嘅，始終今次懷孕嘅風險真係好低，的確有機會係因為為左呢件事擔心緊張，影響體內嘅荷爾蒙，所以令到月經黎遲左
見你之前提及過一般女性週期係28-35日不等，不過其實有唔少女性都係小過或者大過呢個數字，特別係年紀比較細嘅女仔，甚至有人係幾個月黎一次月經都唔出奇。同埋你之前提及過本身自己週期係大概32-33日左右，其實依家都未算遲好多日，唔需要太擔心住嘅
- 至於驗孕方面，如果想驗的話，性行為(14/2)後7日就會有初步結果。性行為11日之後驗孕就比較準確，因為呢個時候尿液先比較容易驗到受孕女性體內產生嘅hCG值。或者跟番你預期黎M嘅日子驗都會準確嘅。
如果跟番你過往週期，其實依家都係你預期經期嘅日子之內，所以依家驗嘅結果都會係準確
好擔心的話，可以驗一次，相信你知道左驗孕結果之後，情緒都可以放鬆番D～
依家我都仲未黎m 頭先同依家個肚有小小痛 係肚臍周圍一折手指位撳落去有小小痛 純粹係食飽飯胃痛定係其他？ （呢幾日都有便意既感覺但係唔係肚痛，有去到廁所既）我未試過m痛 所以唔知道係點痛 啲痛又代表咩
btw 我會等到43日 如果仲唔黎m 我就會驗孕
我怕去買驗孕棒 第一次係男朋友買 第二次係我自己去藥房買 賣家啲閒言閒語我聽到 有咩方法可以唔洗引人注目？去藥局定係萬靈、屈臣氏買好？（藥局要問人買）如果真係有左點算？家計會係唔係18歲及18歲以下一定要家長簽署同意書？
純粹好奇問下 有左個肚會係邊到大？（本身自己有肚攬）
問咁多問題真係唔好意思
請問您都可唔可以俾下意見或者解答下
如果想驗孕而唔洗自己去買驗孕棒嘅話，建議你可以去家計會嘅青少年保健中心驗孕，佢地嘅服務係要預約嘅所以記得打電話預約左先上去，3間中心嘅地址同電話可以喺依度搵到: https://www.famplan.org.hk/zh/our-services/clinic-services/youth-health-care/location
至於如果有左而決定終止懷孕嘅話，18歲或以上嘅女性一般情況係唔需要家長簽署同意書嘅，主要都係以醫生衡量當事人嘅心智成熟程度作判斷 (https://www.famplan.org.hk/zh/our-services/e-services/sex-qa/index/termination-of-pregnancy/application-procedures-for-legal-abortion/detail)
至於你提到依排肚臍周圍有少少痛，亦唔一定係懷孕嘅肚痛，有機會係腸胃不適，所以建議你去左驗孕先，如果結果係無懷孕嘅話咁就唔洗猜測肚痛嘅原因啦~ 另外，懷孕頭4週係未會見肚架，所以宜家覺得肚脹或者大左嘅話並唔係等於有左阿~