我想知未滿16歲，去家計會拎事後藥，佢哋會唔會通知屋企人，同報警㗎！好驚
家計會唔會未經你嘅同意之前，就擅自通知你嘅家人或報警
實際嘅做法就唔太清楚，不過可以參考番以前嘅一篇報導。
http://dailynews.sina.com/bg/news/heh/mingpao/20111225/08003014883.html
報導提及到家計會輔導督導主任嘅分享，表示「近年求助的年輕人對該會信任多了，她強調，即使求助者未滿16歲，若只是尋求緊急避孕，家計會將保持中立，不會主動通知家長或主動報警檢舉16歲以下性行為個案，以保障求助者的私隱，但會鼓勵事主把事件告知家長以商議解決方法，若未成年少女要轉介墮胎，更須先得家長簽署同意。」
雖然係可以攞到事後丸，不過記得事後丸對於女性身體係由好大嘅影響，唔應該過份依賴。每次發生性行為之前，亦應該做好安全措施，戴安全套，好好保護雙方。
最後提醒番，根據番香港嘅法例「「任何男子與一名16歲以下的女童非法性交，即屬犯罪，一經循公訴程序定罪，可處監禁5年。」所以男方係有法律風險架。建議番等到大家都滿16歲之後，先再考慮系合法嘅情況下，發生安全性行為