會懷孕嗎?

我想問下如果男仔打完飛機之後小便,d 尿液直接掂到陰道會唔會懷孕

因為男性射精都係經由尿道同尿道口排出,有時候男性射精後尿道內會有殘餘嘅精液同精子,變相係射精後去小便的話,尿液係有機會含有精子嘅。但因為精子係接觸空氣後好快會死亡,除非尿液係直接流入陰道,否則一啲間接嘅接觸,例如係經由廁所板,廁所水,或者廁紙等等都係難以造成懷孕嘅。 除此之外,射精後尿液會含有精子呢件事都唔係100%會發生,要視乎有冇精子殘留咗係尿道,每一次射精後會唔會殘留或者會殘留嘅數量都未必係一樣嘅,而即使有殘留,一般精子數量都係比較少嘅。

另外,如果尿液係接觸到陰道口,都係好難導致懷孕,因為精子需要媒介去輔助先可以進入陰道再前往子宮,所以除非係有大量含有精子嘅尿液直接進入陰道,否則懷孕機率都係非常之低嘅。