我同男朋友一齊左4年，好耐之前分過手，原因係佢淡左。不過之後都係放唔低大家，我地一齊返。
最近因為準備dse，我地好少見面，亦都好少傾計，大家都花多左時間温習。我覺得係正常嘅，但係可能因為之前俾佢飛過，好驚少傾計，佢會再淡左，會再分手，所以我好無安全感。
最近好多時傾計，都好似得我主導，佢會hea覆，有啲冷淡。每次都得我諗話題，然後好似同個機械人講野咁，有少少似以前佢提分手前感覺。所以，呢排我多左同佢講呢樣野，話驚佢淡嗰啲。
今日都係咁，其實我唔係責怪佢，淨係話想佢派下定心丸，俾下安全感我。但佢就好似爆煲咁，話佢好辛苦，然後就潛水唔睬我了。
我好驚佢頂唔順我咁煩，同我分手。其實我知道應該體諒下佢，可能温書好大壓力，我唔應該成日提呢樣，煩住佢。但係又有邊個體諒我，我俾佢飛過，真係會有陰影，真係特別敏感的。
我已經同佢道曬歉，但佢未理返我，真係好焦急好驚佢頂唔順要分手。。
系DSE呢段咁難捱嘅日子中，你依然願意投放咁多時間同心力系呢段關係上，其實已經好唔簡單。加上對方冷淡嘅回覆，相信呢段時間你都過得好辛苦
著緊段關係嘅你，係無錯嘅，唔需要自責／道歉
只不過關係係雙向嘅，有時唔係我地付出左幾多，就一定會得到幾多回應。自己嘅付出，又係咪對方想要嘅野呢？ 可能比起傾計，男朋友更希望有點私人空間，可以專心咁為考試努力 唔代表佢唔再鍾意你，只係依家有更迫切嘅野佢想投放多D時間落去先。 睇你形容男朋友嘅反應，相信佢最近除左讀書上嘅壓力，可能佢都覺得系呢段關係上感受到唔少壓力，又或者覺得自己系呢段時間未必可以滿足到你情感上嘅需要，所以有少少想逃避你嘅message 
比番少少空間佢，靜候佢嘅回覆，相信男友亦會感受到你嘅用心
覺得可以試下搵一日同男朋友平心靜氣地講下你嘅擔憂，同時表達自己都好緊張佢嘅感受，唔希望成日搵佢會影響佢嘅學業。只係自己系安全感上，希望佢有時間嘅時候，都可以搵下你傾計，維繫段感情。睇下有無咩時候佢會比較得閒／可以同你傾計。希望可以幫助你地兩個係學業同感情上，都搵到一個雙方滿意嘅平衡點
例如可以傾下一個禮拜傾幾多次計，逢星期幾傾，每次傾幾耐
e.g. 一個禮拜傾兩次，逢星期三、五睡前facetime / whatsapp video call ，每次傾15分鐘。
可能咁樣定一個時間，你會安心D，佢亦都會覺得時間比較容易安排
Thanks !!