想問如果男性去做HPV dna test
其實係咪都係唔準確
加上而家未有椰菜花嘅病徵
去做hpv DNA test係咪好嘥錢
你好啊Hehehaha！其實HPV病毒係有潛伏期嘅，平均嚟講係2-3個月，係潛伏期期間，雖然無病徵，但係依然可以透過唔安全嘅性接觸傳染。同埋要似乎返感染到嘅HPV病毒類型，如果係低危型，即係會出現椰菜花嗰啲病毒，其實大概7-14日就會開始出現病徵。如果係高危型，即係會導致癌症嗰啲，潛伏期就會比較長啲。
如果你真係好擔心，香港市面上都有唔同嘅測試中心有提供呢個服務，需要留意返嘅係，香港嚟講，男性嘅HPV DNA檢測發展都係比較初期，因此唔同嘅測試工具都有唔同嘅準確率，大概一次測試都係$1000左右，大概4-5日就會拎到報告。
我隱約係你文字裡面都睇到好似有啲不安，你介唔介意同我分享下因咩事而咁擔心自己會染上HPV病毒啊？係咪對上一次性行為發生咗啲事呀？大概幾耐之前啦？
同過ptgf無套口交，但有戴套做
之後有一次去廁所我小便痛
就去咗睇醫生佢話我中咗非淋
食咗七日抗生素之後仲係有少少痛之後再睇醫生
咁啱尿液報告返咗嚟，話冇淋球菌同埋衣原體
但我仲係好擔心有HSV2同HPV
我而家過咗三個禮拜
我諗都應該唔會有HSV2
只係差Hpv未知
所以想檢查下
見你有講到同佢做嘅時候有戴套，但係口交嘅時候就無，通常嚟講，除非佢口腔裡面有傷口或者已經有明顯病徵，否則口交傳染性病嘅風險都好低。
當然，如果你真係比較擔心，都可以去檢查下嘅。好似之前咁講啦，HPV係有分低危型同高危型，有啲檢測中心係可以幫你檢查埋屬於邊一型，因為你暫時未有明顯病徵，建議你去到中心都同佢地講返你嘅情況啦。
同埋你感染咗非淋病性尿道炎，係治療期間都應該避免同其他人有任何性接觸，直至完成咗療程。食完藥都要記住返去覆診，檢查返係咪完全痊癒，之後先可以回復返性生活。
我份HPV啲報告出咗
佢話我咩事都冇
我上個月去社會衛生科嘅報告
話我兩次種菌都冇結果
係咪可以暫時鬆一口氣
都明白你會好擔心，但係佢地都係專業嘅機構，有嚴謹嘅檢測機器，加上你做咗兩次檢查，而兩次都係呈陰性，基本上都可以排除染病嘅可能性，唔需要擔心架啦。因為高危型嘅HPV病毒潛伏期可以長達2-3個月，醫生有無提及需要你再返去做多次檢查，如果無的話基本上就唔需要擔心架啦。
不過都係提提你，下次性行為要有一套呀，安全套始終都係唯一一個可以預防性病傳染嘅方法，戴咗先做就爽得安心又放心啦～