事後丸無嚟m

1月5號 我同女朋友著住內褲體外摩擦射精 佢用手點咗啲精液之後去咗洗陰道 我因為驚所以買咗事後丸 之後1月10 佢陰道出血血量同嚟m差唔多 之後直到依家都未嚟m 佢原本1月2號嚟完m無流血 我開始有啲擔心佢

咁樣係正常?定係可能懷孕

你好啊King,睇返你嘅情況懷孕嘅風險係比較低嘅,因為你地都無進行插入式性行為,而精子暴露係空氣中幾分鐘就會死亡,而且精子接觸其他物質都會好容易就死,就算你女朋友手掂咗啲精液之後去咗洗陰道,好大機會已經俾水沖走咗手上嘅精液,唔會因為咁樣就懷孕架。而係呢個懷孕風險極低嘅情況下,係唔需要食事後丸嘅。:relaxed:

但係我都想問返你事後丸係幾時食架?因為食事後丸都有機會有出血嘅情況架。另外你講到佢出血量好似嚟月經咁多,都想問返佢係就咁一次性嘅出血,定係好似月經咁出幾日血呀?仲有無其他副作用?同埋事後丸係要經醫生處方嘅藥物嚟嘅,都想問返你係咪經家計會定其他醫生開俾你?如果係擔心藥物嘅副作用,都可以搵返個醫生跟進同檢查返嘅,因為醫生都會根據每個人體質唔同而開唔同份量嘅藥嘅,都有機會有唔同嘅副作用,所以真係要搵返個醫生睇下個情況。如果真係好擔心嘅話,可以買驗孕棒做個檢查,咁樣就安心曬啦。:relieved: